Sahibkar: ноября 2010

вторник, 30 ноября 2010 г.

T E L E Q R A M M A

Azərbaycan Respublikasının

Prezidenti Möhtərəm

İ. H. Əliyevə cənablarına

Cəlilabad rayonunda yaşayan, Nəsirov Əlövsət Sədulla oğlu, cəfərov Yusif Qulam oğlu , tarverdiyev Arif Xazı , Rzayev namiq Kərim oğlu, İsgəndərov Zahirəli Qəribəli oğlu, Mirzəyev Dövlət Cəbrayıl oğlu, Əhmədov yadiğar Şirnalı oğlu və Qasımov İbad Ramiz oğlundan

MÜRACIƏT

Biz aşağıda imza edən sürücülər, bildiririk ki, AZƏR NƏQLİYYAT EKSPEDİSİYA XİDMƏTİ DƏSTƏSİ əməkdaşlarının özbaşına və qanunsuz pul tələb etmələri, qanunsuz rüsum almaları, saxta qəbz əsasında bizdən 40 manat pul tələb etmələrinə, sürücüləri döymələri , haqsız olan tələblərinə son qoyulması barədə tədbir görmənizi Sizdən xahiş edirik.

EYNULLA FƏTULLAYEVƏ 7 ÖLKƏDƏN 89 MƏKTUB GƏLİB

“Gündəlik Azərbaycan” və “Realnıy Azerbaydjan” qəzetlərinin məhbus baş redaktoru Eynulla Fətullayev dünyanın müxtəlif ölkələrindən dəstək məktubları və açıqcalar almaqda davam edir. Son günlərdə baş redaktora 7 ölkədən 89 məktub gəlib. Xatırladaq ki, dəstək məktubları “Amnesty İnternational” təşkilatının 2008-ci ildən beynəlxalq səviyyədə apardığı “Vicdan məhbusu Eynulla Fətullayevi unutmayaq - biz sizin haqqınızda düşünürük” kampaniyası çərçivəsində göndərilir. Beynəlxalq kampaniya 53 ölkəni əhatə edir.

Son məktublar barədə bizə açıqlamasında bildirən baş redaktorun atası

Sevinc TELMANQIZI

понедельник, 29 ноября 2010 г.

Nəqliyyat qoçuları bir ailəni döydülər

26 -11 -2010 . Nəqliyyat qoçuları bir ailəni döydülər

Vəhşiləşmiş müfəttişlər əhali üçün qorxulu kabusa dönüb

Dövlət qurumları qanqster dəstəsinin fəaliyyətinə niyə şəarit yaradır?

Nəsimi rayonunda Nəqliyyat Departamentinin əməkdaşları taksi sürücüsü ilə birlikdə onun valideynlərini döyüblər. Bu barədə «Bizim Yol”a hüquq-mühafizə orqanlarından məlumat verilib.

Məlumata görə, 20 Yanvar küçəsində Nəqliyyat Departamentinin əməkdaşları Arif Savalanov və Tural Muxtarzadə “Daewoo” markalı avtomobilindən taksi kimi istifadə edən Bakı şəhər sakini Faiq Məhərrəmovla mübahisə ediblər. Hadisə sürücünün yaşadığı ünvanın qarşısında baş verib. Müfəttişlər sürücünü yoldan qova-qova ora gətiriblər. Onların arasında yaranan mübahisə zamanı sürücünün atası 1954-cü il təvəllüdlü İzzət Məhərrəmov və anası Zərifə İbrahimova səs-küyü eşidərək bayıra çıxıblar. Mübahisə zamanı sürücü ilə müfəttişlər arasında dava düşüb. Valideynləri övladlarını müfəttişlərin əlindən almaq istəyərkən müfəttişlər sürücü ilə birlikdə onları da vəhşicəsinə döyərək oradan gediblər. Müfəttişlərin sürücüdən lisenziya və pul tələb etdikləri deyilir. Zərərçəkənlər hadisə ilə bağlı hüquq-mühafizə orqanlarına müraciət ediblər.

Dövlət Sosial Müdafiə Fondu

Son vaxtlar bir sıra dövlətlərin sığorta-pensiya sistemlərində aparılan islahatlar Azərbaycanda qurulan modelin keçid dövrü ölkələri üçün örnək kimi tövsiyə edilməsinin heç də təsadüfi olmadığını təsdiqləyir. Bu baxımdan Rusiya Federasiyasının pensiya sistemində təklif olunan islahatların məzmunu xeyli diqqəti çəkir.

Bu barədə Azərbaycan Respublikasə Dövlət Sosial Müdafiə Fondundan bildirilib.

Qeyd edilib ki, Rusiya Federasiyası Səhiyyə və Sosial İnkişaf Nazirliyi pensiya sistemindəki islahatlar barəsində mümkün variantları əks etdirən "Pensiya islahatlarının nəticələri və dünya maliyyə böhranının təsiri nəzərə alınmaqla Rusiya Federasiyasının pensiya sisteminin uzunmüddətli inkişaf perspektivləri" adlı məruzəsini hökumətə təqdim edib.

Bu sənəddə Nazirlik və Rusiya Pensiya Fondu 2002-2010-cu illərdə pensiya islahatının 1-ci və 2-ci mərhələlərinin nəticələri haqqında təhlillər aparmış və islahatın növbəti mərhələsinin reallaşdırılması zəruriliyi barədə arqumentlər gətiriblər.

Təklif olunan variantlardan biri hərbçilərin və daxili işlər orqanlarında çalışanların (hazırda həmin şəxslərin pensiyaları federal büdcədən ödənilir) məcburi dövlət sosial sığortasına cəlb edilməsidir.

Qeyd olunmalıdır ki, Azərbaycanda bu istiqamətdə hələ dörd il bundan öncə islahat tədbirləri həyata keçirilib. 2007-ci il yanvarın 1-dən respublikamızda hərbi qulluqçular və xüsusi rütbəli şəxslərin məcburi dövlət sosial sığortasına cəlb edilməsi və fərdi uçotla əhatə olunmasına, həmin şəxslərin əmək pensiyaları ilə təminatına keçilib. Bu tədbirlər nəticəsində hərbi qulluqçular və xüsusi rütbəli şəxslərin yeni sığorta-pensiya sisteminin üstünlüklərindən (pensiyalarının Fondun hesabına verilən plastik kartlarla ödənilməsi, natamam hərbi xidmət müddətinin pensiya məbləğlərinə təsirinin təmin olunması, hərbi qulluqçular və dövlət qulluqçularının gələcəkdə sığorta-pensiya sistemində yığım komponentinin tətbiqində iştirakı və s.) istifadə etmələrinə imkan yaradılıb.

Məruzədə vaxtından əvvəl pensiyaya çıxan şəxslər üzrə ödəmələr pensiya sisteminin mürəkkəb problemlərindən biri kimi qiymətləndirilib, bu sahədəki güzəştlərin ləğvi əsas islahat istiqaməti kimi müəyyənləşdirilib. Xatırladaq ki, Azərbaycan Respublikasında hələ 2009-cu ildə bu istiqamətdə zəruri tədqiqatlar aparılaraq qanunvericiliyə müvafiq dəyişikliklər edilib.

Növbəti əsas təklif pensiya sisemində yığım komponentinin tətbiqi ilə bağlıdır. Bu istiqamətdə səslənən arqumentlər ondan ibarətdir ki, Rusiya pensiya sistemində hazırki qaydada yığım komponentinin tətbiqi maliyyə bazarının mövcud inkişafı səviyyəsi ilə üst-üstə düşmür və bu səbəbdən də vəsaitlərin yerləşdirilməsində yaranan problemlər nəinki nəzərdə tutulan dividentləri, hətta infilyasiyadan qoruma imkanını da vermir. Digər tərəfdən, yığım hissəsinin pensiyaların cari maliyyələşdirilməsinə sərf olunmaması Pensiya Fondunun büdcə kəsirini daha da dərinləşdirir. Bununla bağlı pensiyalarin yığım hissəsinin perspektivinə dair məruzədə bir neçə variant əks olunmuşdur. Bunlardan biri pensiyaların yığım hissəsi məsələsinin tamamilə istisna edilməsidir. Digər bir variant kimi bu komponentin könüllülük prinsipi əsasında tətbiqi irəli sürülüb. Üçüncü variant isə yığım hissəsinin həcminin azaldılmasıdır.

Qeyd olunmalıdır ki, Azərbaycan Respublikasının pensiya qanunvericiliyi də baza, sığorta və yığım hissələrindən ibarət olmaqla üçpilləli pensiya təminatını nəzərdə tutur. Ölkədə qurulmuş yeni sığorta-pensiya sistemi çərçivəsində əmək pensiyalarının baza və sığorta hissələrinin təyini və artırılması mexanizmləri uğurla tətbiq edilmişdir. Yığım komponentinin tətbiqi ilə bağlı isə son dərəcə ehtiyatlı (konservativ) mövqe tutulub. Azərbaycan Respublikası Prezidentinin 30 dekabr 2008-ci il tarixli 111 nömrəli Sərəncamı ilə təsdiq edilmiş "2009-2015-ci illərdə Azərbaycan Respublikasında sığorta-pensiya sisteminin inkişafına dair Dövlət Proqramı"nda yığım komponentinin tətbiqinin daha mürəkkəb mərhələ olmaqla, ölkədə investisiya mühitindən, maliyyə və qiymətli kağızlar bazarının inkişafından və sığorta-pensiya sistemindən kənar digər amillərdən çox asılı olduğu xüsusilə qeyd olunmuş, bunun üçün beynəlxalq təcrübənin öyrənilməsi, əvvəlcə sosial sığorta haqlarının fərdi hesabın yığım hissəsinə (fərdi yığım hesablarına) yönəldilməsi mexanizmləri və həmin vəsaitlərin idarə olunması qaydalarının düzgün müəyyən edilməsi, bundan sonra sosial sığorta haqlarının fərdi yığım hesablarına toplanmasına başlanılması müəyyənləşdirilib.

VERGİ İŞÇİLƏRİNİN MAAŞLARI ARTIRILIB

VERGİ İŞÇİLƏRİNİN MAAŞLARI ARTIRILIB
2010-11-26 - 17:49:00

Azərbaycanda vergi orqanları işçilərinin aylıq vəzifə maaşları artırılıb. “Media forum” saytı xəbər verir ki, bununla bağlı Nazirlər Kabineti noyabrın 25-də qərar qəbul edib.
Qərara əsasən, Vergilər Nazirliyi üçün xidməti minik avtomobillərinin limiti də artırılaraq 15 ədəd müəyyən edilib.
Eyni zamanda, Naxçıvan Muxtar Respublikasının Nazirlər Kabinetinə muxtar respublika ərazisində fəaliyyət göstərən vergi orqanları işçilərinin vəzifə maaşları ilə bağlı müvafiq qərar qəbul olunması tapşırılıb.
Bu qərarda nəzərdə tutulmayan vəzifələr üzrə maaşlarnı Vergilər Nazirliyi Maliyyə Nazirliyi və Əmək və Əhalinin Sosial Müdafiəsi Nazirliyi ilə razılaşdırmaqla təsdiqləyir.
Qərar 2010-cu ilin noyabrın 1-dən, “Media forum”un qırmızı rənglə işarələdiyi sətirlər isə sentyabrın 1-dən qüvvəyə minir.
“Media forum” saytının vergi orqanları işçilərinin aylıq vəzifə maaşlarının indiyədək bu qərarada göstəriləndən nə qədər az olduğunu dəqiqləşdirmək cəhdi baş tutmayıb.
Vergilər Nazirliyinin aparatının işçilərinin aylıq vəzifə maaşları

Vəzifələrin adı	Aylıq vəzifə maaşı (manatla)
Aparatın rəhbəri	800
Aparatın rəhbərinin müavini	710
Baş idarənin, təminedici idarənin və şöbənin rəisi	660
Baş idarənin, təminedici idarənin və şöbənin rəisinin 1-ci müavini	560
Baş idarənin, təminedici idarənin və şöbənin rəisinin müavini	545
Baş idarənin, təminedici idarənin tərkibində olan idarə, şöbə rəisi, yardımçı idarənin və şöbənin rəisi	542
Baş idarənin, təminedici idarənin tərkibində olan idarə və şöbənin, yardımçı idarə və şöbənin rəisinin müavini	516
Nazirin köməkçisi	516
Baş mühasib, bölmə rəisi	495
Baş dövlət vergi müfəttişi, baş mütəxəssis, baş təhqiqatçı, baş əməliyyat müvəkkili, baş iqtisadçı, baş hüquqşünas, yardımçı idarənin tərkibində olan şöbənin rəisi, nazirin müşaviri, mətbuat katibi, dəftərxana və arxiv şöbəsinin rəis müavini	430
Böyük dövlət vergi müfəttişi, böyük mütəxəssis, böyük təhqiqatçı, böyük əməliyyat müvəkkili, böyük hüquqşünas, böyük mühasib, böyük iqtisadçı	420
Aparıcı mütəxəssis, aparıcı iqtisadçı	410
Dövlət vergi müfəttişi, mütəxəssis, mexanik, təhqiqatçı, əməliyyat müvəkkili, iqtisadçı, hüquqşünas, mühasib	400

Vergilər Nazirliyi yanında olan vergi orqanları işçilərinin aylıq vəzifə maaşları

Vəzifələrin adı	Aylıq vəzifə maaşı (manatla)
Orqanın rəhbəri	390
Orqanın rəhbərinin birinci müavini	295
Orqanın rəhbərinin müavini	280
İdarənin, şöbənin rəisi	225
İdarənin, şöbənin rəis müavini	213
Bölmə rəisi, baş mühasib, idarənin tərkibində olan şöbə rəisi	208
Baş dövlət vergi müfəttişi, baş iqtisadçı, baş mütəxəssis, baş təhqiqatçı, baş hüquqşünas, baş əməliyyat müvəkkili, baş kriminalist, xüsusi mühüm işlər üzrə böyük müstəntiq, idarənin tərkibində olan şöbə rəisinin müavini	203
Böyük dövlət vergi müfəttişi, böyük müstəntiq, böyük hüquqşünas, aparıcı mütəxəssis, böyük təhqiqatçı, böyük əməliyyat müvəkkili, böyük müvəkkil, böyük kriminalist, xüsusi mühüm işlər üzrə müstəntiq	198
Dövlət vergi müfəttişi, təhqiqatçı, hüquqşünas, müstəntiq, əməliyyat müvəkkili, müvəkkil, mütəxəssis, müstəntiq-metodist, kriminalist	182

Vergilər Nazirliyinin yerli vergi orqanları işçilərinin aylıq vəzifə maaşları

Vəzifələrin adı	Bakı şəhəri üzrə	Gəncə, Sumqayıt şəhərləri üzrə	Ərazi vergi idarələri və filialları üzrə	Şəhər, rayon şöbələri üzrə
Vergi orqanının rəhbəri	385	345	312	300
Vergi orqanının rəhbərinin birinci müavini	280	260	240	230
Vergi orqanının rəhbərinin müavini	265	245	225	220
Vergi orqanının tərkibində idarə rəisi, şöbə rəisi	217	215	213	210
Vergi orqanının tərkibində idarə, şöbə rəisinin müavini	206	204	202	200
Vergi orqanının tərkibindəki idarənin tabeliyində olan şöbə rəisi, bölmə rəisi, baş mühasib	194	192	189	188
Baş mütəxəssis, baş dövlət vergi müfəttişi, baş təhqiqatçı, baş hüquqşünas, baş idarənin, vergi orqanının tərkibindəki idarənin tabeliyində olan şöbə rəisinin müavini	189	187	185	184
Böyük dövlət vergi müfəttişi, aparıcı mütəxəssis, böyük mütəxəssis, böyük mühasib, böyük təhqiqatçı, böyük hüquqşünas	184	182	181	180
Dövlət vergi müfəttişi, mütəxəssis, təhqiqatçı, hüquqşünas, mühasib	179	178	177	176

Vergi orqanlarının xidməti heyətinin vəzifə maaşları

Vəzifələrin adı	Aylıq vəzifə maaşı (manatla)
Arxiv müdiri, sürücü	143
İnspektor (müfəttiş), təsərrüfat və anbar müdiri, surətçıxarma-çoxaltma operatoru, katibə-teleqrafçı, dispetçer, komendant, texnik, rabitəçi	139
Kargüzar, arxivçi, ekspeditor, katibə-makinaçı, katib (katibə)	135
Kuryer	132
Xidməti otaqları yığışdıran, yardımçı fəhlə, gözətçi, bağban, ocaqçı və digər xidmət heyəti	110

"Media forum"

ocaq başında

5 - Fəsil

(ocaq başında)

Beləcə gün keçər axşam olardı,

Hamı yığışardı ocaq başına.

Ox dilli alovdan hikmət yağardı,

Bərəkət daşına, ocaq daşına.

Ocağın başında ata söhbəti..

Keçmişi düşünüb o, danışardı.

Açıb söyləyərdi hər həqiqəti,

Ara söz-söhbətdən o, daşınardı.

Insanın, insana xəyanətindən,

Danışıb dəhşətə gələrdi Atam.

Qəlbləri göynədən, qulaqlar desən,

Yalana, böhtana gülərdi Atam.

Həqiqət ağrılı olsa da belə,

Deyərdi: yalanın sifəti olmaz.

Müxtəlif biçimli sifətlilərin,

Nə dini vətəni milləti olmaz,

Atadır həyatın vuran nəbzi də,

Atanın cahanda qiyməti vardır,

Hər insan oğlunun həyat yolları,

Atalı qəlblərdə güldür. bahardır.

Günəşin eşqidir Ata sevgisi,

Onun atəşindən yarandı adam.

Gərək söyləyəsən hər həqiqəti,

Sözümün bağbanı Atamdı, Atam.

Atamdan qalandı söz yadigar,

Yaşamaq, yaratmaq eşqinə dönər.

Oğul yadigarı qız yadigarı,

Kor ocaq olarsa alışıb, sönər.

Alışsam, sönmərəm öz ocağımda,

Atamaın sözündən bəhrələnmişəm.

Sözlərim gül açıb həmən bağçada,

O kökün üstündə pöhrələnmişəm.

Ata ocağına Ata yurduna,

Olan sədaqəti çindi məndədir.

Rəhmət qazanardı olənlərinə,

Onun əməlləri indi məndədir.

Susma ürək, danla bir az özünü,

Namərd qardaş ağrıtmaz öz başını.

Ata sağkən sən desəydin sözünü,

Atacağdım o namərdin daşını.

*****

6-Fəsil

Mərd Atadan hünərpərvəz, mərd olan,

Kişi kimi yaşayacaq üzü ağ.

Ömrü boyu düşməninə dərd olan,

Vüqarından əyilməyən uca dağ.

Oğul gərək atasından dərs ala,

Əyilməyə nə düşmənə, nə yada.

El içində hər işində pak ola,

Xidmət edə ən layiqli bir ada.

Müqəddəsdir Ata adı dünyada,

Övladına nur paylayar gözündən.

Tarixləri varaqla sən , sal yada,

Dərs almışıq ataların sözündən.

Ata ocağını söndürmə oğul,

Yurd yerində ocağa dön, çıraq ol.

Əkdiyi ağacı sındırma oğul,

Dosduna dost, düşmənindən uzaq ol.

Ata kökdür, öz kökünə bax, becər,

Köksüzlərdi, balta çalar kökünə.

Bağban kimi yaxşı cinsdən bağ becər,

Bəhrə versə bir ad qalar kökünə.

Haqqı tanı, ədalətə şahid ol,

Elə bil ki, o millətin adısan.

Vətən üçün keç canından, şəhid ol,

Yaşadacaq vətən səni, o ad-san.

Ata zəhmət çəkər Ana becərər,

Nəsillər yetişər dünyada, təkrar.

Atamla uyudum, Atamla durdum,

Ömrümə yağsa da həm yağış,həm qar.

Əzizinəm tamaha.

Oğul düşmə tamaha.

Çətin günün olsa da,

Ümüdlə bax sabaha.

Mərd üzündə nur gəzər,

Dildə şəkər,əldə zər.

Qoru mərd oğulları,

Qeyrətsizin hökmü şər.

Atamdır müqəddəs, atamdır əziz,

Mənimçün dünyada odur əvəzsiz.

Səcdəyə gəlmişəm məzar daşına,

Tənhayam, qəribəm həyatda sənsiz.

Bir hikmət yeridir yatdığın torpağ,

Ziyarət etdiyim qiblə gahımsan.

Məni qovuşduran əbədiyyata,

Sinəmdə sönməyən odlu ahımsan.

Ata ocağından ayrılmaq olmur,

Nəvələr yığılıb yenə başına.

Sahibin arayan pərvanələr tək,

Səcdə eləyirlər hey başdaşına.

Övladdır ocağın közünə dönən,

Ana laylasıyla böyüdər, can-can.

Atadır övlada canı tək yaxın,

Ata qanı axır damarlarından.

*****

Sürücülük vəsiqəsi

Sürücülük vəsiqəsi

Nəqliyyat vasitələrini idarəetmə hüququ

Bu maddənin ikinci hissəsində nəzərdə tutulan yaş həddinə çatmış, sağlamlıq cəhətdən sürücülüyə yararlı, yol hərəkəti qaydalarını bilən, sürmə vərdişi və sürücülük vəsiqəsi olan hər bir fiziki şəxs Azərbaycan Respublikasının ərazisində nəqliyyat vasitələrini idarəetmə hüququna malikdir.

Azərbaycan Respublikasının ərazisindəki yollarda:

velosipedi və ya arabanı idarəetmə hüququ - 14 yaşdan;

asma mühərrikli velosipedi və mopedi idarəetmə hüququ - 16 yaşdan;

motosikletləri idarəetmə hüququ - 16 yaşdan;

oturacaq yerlərinin sayı sürücünün oturacağından əlavə 8-dən artıq olmayan avtomobilləri idarəetmə hüququ - 18 yaşdan;

tramvayları idarəetmə hüququ - 20 yaşdan;

trolleybusları idarəetmə hüququ - 21 yaşdan;

oturacaq yerlərinin sayı sürücünün oturacağından əlavə 8-dən çox olan avtomobilləri idarəetmə hüququ - 21 yaşdan (müstəsna qaydada hərbi qulluqçular üçün 19 yaşdan) yaranır.

Hər hansı şəxsin sağlamlıq cəhətdən sürücülüyə yararlı hesab edilməsinin əsaslarını, habelə nəqliyyat vasitələrini idarə etməsinə mane olan xəstəliklərin və ya fiziki qüsurların siyahısını Azərbaycan Respublikasının müvafiq icra hakimiyyəti orqanı müəyyən edir.

Bu maddənin ikinci hissəsinin 1-ci və 2-ci bəndləri istisna olmaqla, Azərbaycan Respublikasının ərazisindəki yollarda nəqliyyat vasitələrini idarəetmə hüququ sürücülük vəsiqəsi əsasında həyata keçirilir.
Azərbaycan Respublikasının ərazisindəki yollarda hər hansı fiziki şəxsin nəqliyyat vasitələrini idarəetmə hüququ yalnız aşağıdakı hallarda müvəqqəti məhdudlaşdırıla bilər:

şəxsin sürücülük vəsiqəsinin e'tibarlıq müddəti qurtarıbsa - sürücülük vəsiqəsi dəyişdirilənədək;

şəxs tərəfindən yol hərəkətinin qaydaları bu Qanunla müəyyən edilmiş hallarda kobud surətdə pozulmuşdursa - Azərbaycan Respublikasının qanunvericiliyi ilə müəyyən olunmuş qaydada beş ildən artıq olmayan müddətin qurtarmasınadək;

şəxsdə bu maddənin üçüncü hissəsində nəzərdə tutulmuş xəstəliklər və ya fiziki qüsurlar müəyyən edilərsə - xəstəlik müalicə olunanadək və ya fiziki qusur aradan qaldırılanadək.

Azərbaycan Respublikası müvafiq icra hakimiyyəti orqanının müəyyən etdiyi siyahıda nəzərdə tutulmuş xəstəliklərlə əlaqədar psixiatriya və ya narkoloji dispanserlərin uçotunda olan, nəqliyyat vasitələrini idarə etmək sahəsində üç ildən az təcrübəsi olan, axırıncı iki il ərzində insanlara xəsarət yetirilməsi və ya onların ölümü ilə nəticələnmiş yol-nəqliyyat hadisəsi törətməyə, habelə nəqliyyat vasitəsini sərxoş vəziyyətdə idarə etməyə görə sürücülük hüququndan məhrum olunmuş şəxslər avtobusları, tramvayları və trolleybusları idarə etməyə buraxılmırlar.

Sürücülük vəsiqəsi

Sürücülük vəsiqəsi hər hansı şəxsin nəqliyyat vasitələrini idarə etmək hüququnu təsdiq edən sənəddir.

Mexaniki nəqliyyat vasitələrinin tiplərindən asılı olaraq, Azərbaycan Respublikasında verilən sürücülük vəsiqəsinin aşağıdakı növləri vardır:

motosikletləri, avtomobilləri, tramvayları və trolleybusları idarə etmək üçün;

traktorları və digər mexaniki nəqliyyat vasitələrini idarə etmək üçün.

Növündən asılı olmayaraq hər bir sürücülük vəsiqəsində ellips işarəsi daxilində Azərbaycan Respublikasının beynəlxalq yol hərəkətində fərqlənmə nişanı - "AZ" və rəqəmlərlə nömrələnmiş aşağıdakı mə'lumatlar göstərilir:

sahibinin soyadı;

sahibinin adı və atasının adı;

sahibinin doğum tarixi və yeri;

sahibinin yaşayış yeri;

vəsiqəni vermiş orqanın adı;

vəsiqənin verilmə tarixi və yeri;

vəsiqənin qüvvədə olma müddətinin qurtardığı tarix;

vəsiqənin nömrəsi;

vəzifəli şəxsin imzası, vəsiqəni vermiş orqanın ştampı və ya möhürü;

sahibinin qan qrupu və imzası;

xüsusi qeydlər.

Motosikletləri və avtomobilləri idarə etmək üçün verilən sürücülük vəsiqələrində, bu maddənin üçüncü hissəsində nəzərdə tutulmuş mə'lumatlardan başqa, idarə etmək hüququnun qüvvəsinin şamil edildiyi nəqliyyat vasitələrinin aşağıdakı kateqoriyaları göstərilir:

"A" - motosikletləri idarə etmək üçün;

"B" - "A" kateqoriyasına aid edilməyən, icazə verilən maksimum kütləsi 3.500 kq-dan, oturacaq yerlərinin sayı, sürücü oturacağından əlavə, 8-dən artıq olmayan avtomobilləri idarə etmək üçün;

"C" - "D" kateqoriyasına aid edilməyən, icazə verilən maksimum çəkisi 3.500 kq-dan artıq olan avtomobilləri idarə etmək üçün;

"D" - sərnişin daşınması üçün nəzərdə tutulan və oturacaq yerlərinin sayı, sürücü oturacağından əlavə 8-dən çox olan avtomobilləri idarə etmək üçün;

"E" - qoşqusu "B", "C" və ya "D" kateqoriyalarına aid edilmiş, lakin tərkibləri bütövlükdə həmin kateqoriyalara və ya bu kateqoriyalardan birinə daxil olmayan nəqliyyat vasitələrini idarə etmək üçün;

"Tramvay" - tramvayları idarə etmək üçün;

"Trolleybus" - trolleybusları idarə etmək üçün.

Sürücülük vəsiqəsinin e'tibarlıq müddəti aşağıdakı kimidir:

60 yaşına çatmamış şəxslər üçün - 10 il;

60 və daha çox yaşı olan şəxslər üçün - onların 70 yaşı tamam olanadək qalan müddət;

70 və daha çox yaşı olan şəxslər üçün - 2 il;

siyahısı Azərbaycan Respublikasının müvafiq icra hakimiyyəti orqanı tərəfindən müəyyən edilən xəstəlikləri olan şəxslər üçün -təqdim etdikləri tibbi arayışda göstərilən, lakin 2 ildən artıq olmayan müddət.

Sürücülük vəsiqəsinin adı Azərbaycan Respublikasının dövlət dilində və fransız dilində ("Permis de conduire"), bu maddənin üçüncü hissəsinin 1-ci - 11-ci bəndlərində göstərilən mə'lumatların adı Azərbaycan və ingilis dillərində, başqa məlumatlar isə Azərbaycan dilində yazılırlar.

Sürücülük vəsiqəsinin sahibi ona verilmiş sürücülük vəsiqəsini möhkəm saxlamağa borcludur.

Xarici dövlətlərin səlahiyyətli orqanları tərəfindən beynəlxalq standartlara uyğun verilmiş və e'tibarlıq müddəti qurtarmamış sürücülük vəsiqələri də Azərbaycan Respublikasının ərazisində qüvvədədir.

Sürücülük vəsiqələrinin verilməsi və dəyişdirilməsi

"Yol hərəkəti haqqında" Qanunun 33-cü maddəsinin birinci hissəsində nəzərdə tutulmuş sürücülük vəsiqəsini almaq istəyən hər bir şəxs:

müvafiq kateqoriyalı nəqliyyat vasitələri sürücülərinin hazırlanması üzrə təhsil planlarında və proqramlarında nəzərdə tutulan həcmdə hazırlıq keçməli;

yol hərəkətinin qaydaları üzrə nəzəri və nəqliyyat vasitələrini idarəetmə vərdişləri üzrə təcrübi imtahanları verməli;

Azərbaycan Respublikası qanunvericiliyi ilə müəyyən edilmiş məbləgdə haqq ödəməlidir.

Sürücülük vəsiqəsi almaq istəyən şəxs Azərbaycan Respublikası müvafiq icra hakimiyyəti orqanına ərizə ilə müraciət etməlidir. ərizəyə aşağıdakı sənədlər əlavə olunur:

Azərbaycan Respublikası vətəndaşının şəxsiyyət vəsiqəsi (müvafiq olaraq Azərbaycan Respublikasının ərazisində əcnəbinin qeydiyyata alınması haqqında vəsiqə və ya Azərbaycan Respublikasının hüdudlarında istifadə edilməsi üçün vətəndaşlığı olmayan şəxsin şəxsiyyət vəsiqəsi);

müvafiq kateqoriyalı nəqliyyat vasitələri sürücülərinin hazırlanması üzrə təhsil planlarında və proqramlarında nəzərdə tutulan həcmdə hazırlıq keçməsi barədə təhsil müəssisəsinin sənədi və ya müstəqil hazırlıq keçməsi ilə əlaqədar Azərbaycan Respublikasının müvafiq icra hakimiyyəti orqanında qeydiyyata götürülməsi barədə sənəd;

Azərbaycan Respublikasının müvafiq icra hakimiyyəti orqanını tərəfindən təsdiq olunmuş formada tibbi arayış;

sürücülük vəsiqəsi verilməsi üçün haqqın ödənilməsi qəbzi.

Azərbaycan Respublikasının müvafiq icra hakimiyyəti orqanı sürücülük vəsiqəsinin verilməsi üçün bu maddənin ikinci hissəsində nəzərdə tutulmuş sənədləri daxil olduğu həmin gün yoxlayır və orada göstərilmiş mə'lumatlar əsasında şəxsin yol hərəkətinin qaydaları üzrə nəzəri və nəqliyyat vasitələrini idarəetmə vərdişləri üzrə təcrübi imtahanlara buraxılması məsələsini həll edir.

Bu Qanunla müəyyən edilmiş yaş və sağlamlıq vəziyyəti tələblərinə cavab verən:

sürücülərin hazırlanması və onların ixtisasının artırılması kurslarının mə'zunları

avtomobil nəqliyyatı vasitələri ixtisası üzrə kadrların hazırlanması nəzərdə tutulmuş ali və orta ixtisas tədris ocaqlarının mə'zunları

Azərbaycan Respublikası müvafiq icra hakimiyyəti orqanının müəyyən etdiyi qaydada imtahanlara müstəqil hazırlaşmış şəxslər onların ərizələri Azərbaycan Respublikası müvafiq icra hakimiyyəti orqanına daxil olduqdan sonra on gün ərzində yol hərəkətinin qaydaları üzrə nəzəri və nəqliyyat vasitələrini idarəetmə vərdişləri üzrə təcrübi imtahanlara buraxılırlar.

Sürücülük vəsiqəsi Azərbaycan Respublikası müvafiq icra hakimiyyəti orqanının imtahan-qeydiyyat məntəqələrində yol hərəkətinin qaydaları üzrə nəzəri və nəqliyyat vasitələrini idarəetmə vərdişləri üzrə təcrübi imtahanları müvəffəqiyyətlə vermiş şəxslərə həmin orqan tərəfindən bir gün ərzində verilir. Sürücülük vəsiqələrinin verilməsi Azərbaycan Respublikasının müvafiq icra hakimiyyəti orqanı tərəfindən müəyyən edilmiş "Nəqliyyat vasitəsini idarə etmək hüququ verən sürücülük vəsiqəsi almaq istəyən şəxslərdən imtahanların qəbul edilməsi və onlara sürücülük vəsiqəsinin verilməsi qaydaları haqqında" ƿsasnaməyə uyğun olaraq həyata keçirilir.

Sürücülük vəsiqəsinin dəyişdirilməsi üçün əsaslar aşağıdakılardır:

onun e'tibarlıq müddətinin qurtarması;

sahibinin soyadı, adı və ya atasının adının dəyişdirilməsi;

onun yazılarında dəqiqsizlik müəyyən edilməsi;

onun yararsız hala düşməsi;

onun itirilməsi;

yeni nümunəsinin bu Qanunla müəyyən edilmiş qaydada təsdiqi nəticəsində ölkədə sürücülük vəsiqələrinin dəyişdirilməsi.

Sürücülük vəsiqəsinin dəyişdirilməsi sahibinin ərizəsi əsasında əvvəllər malik olduğu bütün kateqoriyalar saxlanılmaqla, imtahansız Azərbaycan Respublikasının müvafiq icra hakimiyyəti orqanı tərəfindən bir gün ərzində həyata keçirilir.

Sürücülük vəsiqəsinin dəyişdirilməsi üçün, bu maddənin altıncı hissəsinin 3-cü bəndində nəzərdə tutulmuş hal istisna olmaqla, Azərbaycan Respublikasının müvafiq icra hakimiyyəti orqanı tərəfindən müəyyən edilmiş məbləgdə haqq alınır. Sürücülük vəsiqəsinin itirilməsinə görə onun dəyişdirilməsi halında, həmçinin Azərbaycan Respublikasının qanunvericiliyi ilə müəyyən edilmiş məbləğdə cərimə ödənilir.

Sürücülük vəsiqəsində göstərilmiş kateqoriyaların dəyişdirilməsi məqsədi ilə sürücülük vəsiqəsinin dəyişdirilməsi bu maddənin birinci - dördüncü hissələrində nəzərdə tutulmuş qaydada həyata keçirilir.

Azərbaycan Respublikasının müvafiq icra hakimiyyəti orqanı tərəfindən verilmiş sürücülük vəsiqələrindəki mə'lumatların mərkəzləşdirilmiş uçotunu aparmalıdır.

Hər hansı şəxs bu Qanunla müəyyən edilmiş qaydada ona sürücülük vəsiqəsinin verilməsi və ya dəyişdirilməsi haqqında ərizəyə baxılmamasından və yaxud belə ərizənin süründürülməsindən, habelə yol hərəkətinin qaydaları üzrə nəzəri və nəqliyyat vasitələrini idarəetmə vərdişləri üzrə təcrübi imtahanlara onun buraxılmasından imtina edilməsindən məhkəməyə şikayət edə bilər.

Bu Qanunun tələblərinə zidd olaraq, sürücülük vəsiqəsinin verilməsi və ya dəyişdirilməsi haqqında ərizəyə baxılmamasında və ya süründürülməçilik edilməsində, yol hərəkətinin qaydaları üzrə nəzəri və nəqliyyat vasitələrini idarəetmə vərdişləri üzrə təcrübi imtahanlara buraxılmasından əsassız imtina edilməsində, habelə sürücülük vəsiqəsinin qəsdən korlanmasında, oğurlanmasında, qanunsuz hazırlanmasında, saxtalaşdırılmasında, satılmasında və ya ondan qanunsuz istifadə olunmasında təqsirli şəxslər Azərbaycan Respublikasının qanunvericiliyi ilə nəzərdə tutulmuş qaydada məs'uliyyət daşıyırlar.

tel.: (+994 12) 342 32 82; faks: (+994 12) 498 02 17 e-poçt: info@dyp.gov.az

Əliağa Kazımov həbs olunacaq

Masallı RPŞ-nin əməliyyat işləri üzrə rəis muavini polkovnik-leytenant Əliağa Kazımov həbs olunacaq

Sərraf Əliyevin ölümü ilə bağlı artıq Respublika Prokurorluğunun əməkdaşları Masallıda araşdırma aparırlar

Ötən sayımızda ölkənin mebel istehsalı bazarında liderlik edən "Embawood" şirkətinin icraçı direktoru Sərraf Əliyevin özünü asaraq öldürməsi barədə məlumat vermişdik. Həmin xəbərdə qeyd olunurdu ki, Sərraf Əliyev şirkətdə yoxlama aparıldığı bir ərəfədə gözlənilmədən özünə qəsd edib.

Etibarlı mənbə bildirmişdi ki, bu hadisə rayon rəsmilərinə və "Embawood" şirkətinin rəhbərliyinə böyük narahatçılıq yaradıb. Onlar Sərraf Əliyevin özünə qəsd etmə səbəblərinin açıqlanmasından qorxuya düşüblər. Buna görə də hadisənin əsas təfərrüatları gizli saxlanılır.

Dünən etibarlı mənbə bildirdi ki, özünü asan Sərraf Əliyev "Embawood" şirkətinin sahiblərindən sayılan Elşad Məmmədovun bacısı oğludur. Elə bu səbəbdən də inanılmış şəxs kimi şirkətin icraçı direktor postu ona həvalə olunubmuş və bütün maliyyə əməliyyatları onun adına rəsmiləşdirilirmiş.

Qeyd edək ki, "Embawood" bir neçə nəfərin baş həriflərinin birləşməsidir, yəni, E- Elşad (Məmmədov), M- Məhşur (Məmmədov), B- Bəşir (Sultanov), A- Allah adamı (?), wood isə ağac, odun mənalarını verir.

Dəqiq təfərrüatlar gizlədilir...

Dünən isə hadisə ilə bağlı rayondakı etibarlı mənbə Sərraf Əliyevin özünə qəsd etməsinin dəqiq təfərrüatlarını bizə çatdırdı.

Deməli, özünə qəsd edən Sərraf Əliyev bir neçə gün əvvəl Mirqabil Hüseynovun direktoru olduğu 1 saylı orta məktəbin 10-cu sinif şagirdi Əmənova Xonsənəm Eldəniz qızını zorlayıbmış. Zorlanan Əmənova kasıb ailənin övladıdır və atası Eldəniz əlildir.

Qeyd edək ki, məlumatın doğruluğunu Masallı Rayon Polis Şöbəsindəki mənbəmiz də təsdiqlədi, işin polis və prokurorluqda araşdırıldığını bildirdi. Hətta dünən saat 15:40 radələrində Elşad Məmmədov (Sərraf Əliyevin dayısı) prokurorluğa çağırılaraq dindirilib. Bu hal işin istintaqının aparıldığını bir daha təsdiqləyir. Lakin mənbə Sərraf Əliyevi özünü ödürmə həddinə çatdıran şəxslərin olduğunu da istisna etmir. Hətta onun döyülərək öldüruldüyü və ya döyüldükdən sonra özünü öldürdüyü versiyası da səslənir.

Gizli videokameranı kim (lər) yerləşdirib?

Belə ki, mənbənin məlumatına görə, Sərraf Əliyevin Əmənovanı zorlaması video görüntüyə alınıb. Bundan sonra Sərraf Əliyev rayon polis şöbəsinə çağırılaraq ona videogörüntü göstərilib və onların dediklərini etməsə və ya lazım olanı verməsə bu görüntü ilə şantaj olunacağını bildiriblər. İşin araşdırılması rayon polis şöbəsinin müstəntiqi Ənvər Həsənova həvalə olunub. Bu hadisədən sonra Sərraf Əliyev gözlənilmədən ölüb.

Mənbə onu da bildirir ki, hadisə baş verən gün rayon polis şöbəsinin rəisi Əkbər Hacıyev Bakıda imiş. Lakin özü ilə Qəbələdən gətirdiyi müavini Əlifağa Kazımov rayonda olub. İlkin istintaq da onun rəhbərliyi altında aparılıb.

Hətta məsələnin böyüdüyünü görən Masallı RPŞ-nin əməliyyat işləri üzrə rəis muavini polkovnik-leytenant Əlifağa Kazımov bildirib ki, Sərraf Əliyevin polis bölməsinə çağırılaraq dindirilməsi və onun qorxudulması rəis Əkbər Hacıyevin tapşırığı əsasında baş verib. Amma buna baxmayaraq, onun yaxın günlərdə həbs olunması da gözlənilir.

Dünən həmçinin aldığımız məlumatlarda bildirildi ki, Sərraf Əliyevin özünü asaraq öldürməsi faktı ilə bağlı araşdırma aparmaq üçün artıq Respublika Prokurorluğunun bir qrup əməkdaşı Masallıya yollanıb. Onların mühüm araşdırmalar apardığı deyilir.

Qohumları Sərraf Əliyevi döyərək öldürüblər?

Lakin mənbə ehtimal edir ki, Elşad Məmmədov, Məhşur Məmmədov, Bəşir Sultanov, Ramazan Zeynalov yaxın qohumları olan mərhum Sərraf Əliyevi şirkətin sexlərinin birində bərk döyərək bu əməli niyə törətdiyini soruşublar. O da ehtimal olunur ki, Sərraf Əliyev döyülərkən bu şəxslərin əlində ölüb və qohumlar da məcburiyyət qarşısında qalıb onu asıblar. Görünür, elə bu səbəbdən də polisə ekspertiza aparılmağa və ya istintaq işlərini həyata keçirməyə imkan vermirlər. Bütün bunlar bizə gəlib çatan ilkin versiyalardır.

Hətta mənbə bildirir ki, polis yas məclisinə belə buraxılmır və məclis Ramazan Zeynalovun, Bəşir Sultanovun, Elşad Məmmədovun nəzarəti altında yola verilir.

Daha bir məlumat da ondan ibarətdir ki, Elşad Məmmədov rayon polis idarəsinin rəisi ilə əlaqəyə girərək Sərraf Əliyevin özünü asmasını müstəntiq Ənvər Həsənov və Cəlilin üzərinə qoymağa çalışır. Guya ki, onlar Sərraf Əliyevi şantaj ediblər və nəticədə şantajdan biabır olacağından qorxaraq Əliyev özünü asıb. Lakin bundan xəbər tutan müstəntiq bildirib ki, əgər belə hal baş versə qətlin dəqiq təfərrüatlarını açıqlayacaq və günahsız olduğunu sübut edəcək.

İcra başçısı ilə təcili görüş

Mənbə bildirir ki, hadisədən sonra işin ört-basdır edilməsi məqsədilə Sərraf Əliyevin yaxın qohumları Konserva sexinin rəhbəri Nəriman Əliyev, Məhşur Məmmədov və "Bayram M" şirkətinin rəhbəri Ramazan Zeynalov rayon icra hakimiyyəti başçısının yanında olublar. Hətta görüş zamanı Ramazan Zeynalov minnətlə "Xonsənəm Əmənova Nazxanımın nəvəsidir də. Nə olacaq ki?" kimi ifadələr də işlədib.

Burada bir haşiyəyə çıxaraq deyək ki, kimin nəvəsi və ya kim olmasına baxmayaraq, qanun hamı üçün eynidir. Bəyəm, Nazxanımın nəvəsidir deyə zorlanmalıdır?

Burada başqa bir məqam da var. Mənbə bildirir ki, Əkbər Hacıyev öz istəklərinə çatmaq üçün bu hadisəni ört-basdır etmək niyyətində görünür. Çünki, hazırda Masallının polis rəisi olan Hacıyev Lənkəran şəhərinə polis rəisi getmək istəyir. Daha sonra isə yenidən Masallıya icra hakimiyyəti başçısı kimi qayıtmaq arzusundadır. Ramazan Zeynalov və Nəriman Əliyev cütlüyü bu işdə ona yardımçı olacaqlarına söz veriblər. Təki problem həll olunsun.

Şeyx "məni bu məsələyə qatmayın" deyib...

Hətta mənbə bildirir ki, Ramazan Zeynalov bu problemin yoluna qoyulması üçün Bütün Qafqazın şeyxi Hacı Allahşükür Paşazadədən də kömək istəyib. Amma şeyx bildirib ki, bu işə onu qatmasınlar. Biz də inanırıq ki, Masallıda baş verən məlum olayın əsl səbəblərinin açılmasına və günahkarların cəzadan kənarda qalmasına şeyx müdaxilə etməyəcək.

Daha bir maraqlı məqam isə baş vermiş hadisənin ölkənin daxili işlər naziri Ramil Usubovdan gizlədilməsidir. Mənbə bildirir ki, bu gün DİN-də nazirin iştirakı ilə kollegiya iclası keçiriləcək. Sərraf Əliyevin ölümündə əli olması ehtimal olunan Elşad Məmmədov, Ramazan Zeynalov, Bəşir Sultanov, Nəriman Əliyev çalışırlar ki, bu məsələ kollegiyada müzakirə mövzusu olmasın və bu barədə nazir Ramil Usubov xəbərsiz olsun.

Amma onu da bildirək ki, Ramil Usubov ölkənin DİN başçısıdır və bu kimi hadisələrin nazirdən gizlədilməsinin özü belə cinayət hesab olunur. Üstəlik, Ramil Usubov peşəkar bir polis işçisi olaraq bu hadisə barədə yəqin ki, artıq məlumatlandırılıb və işin dəqiq araşdırılması üçün öz tapşırıqlarını verib.

"Gündəlik Bakı" rəsmi qurumlara müraciət edir

Üstəlik, biz də "Gündəlik Bakı" qəzeti olaraq baş vermiş ölüm hadisəsinin dəqiqliyi ilə araşdırılmasını, ölümündən əvvəl Sərraf Əliyevə kimlərin zəng etməsini, telefonda nələrin danışıldığını, tibbi ekspertizanın rəyini rəsmi orqanlardan tələb edəcəyik. Artıq qəzet olaraq rəsmi sorğular aidiyəti qurumlara göndərilmək üçün hazırlanır. Çünki cinayətkarın cəzasız qalması yeni cinayətin baş verməsi deməkdir.

Qanun hamı üçün eynidir.

Sonda acı da olsa bildirək ki, görəsən, Elşad Məmmədov bacısı oğlu Sərraf Əliyevin ölümünə "kədərlənərək" axıtdığı göz yaşlarının arxasında nə gizlənir? "Embawood"un sahibi Bəşir Sultanov qohumunun ölümü barədə nə fikirləşir? Görəsən, "Embawood"çular yenə də "AST-Telman"ın adını hallandıracaqlarmı?

Bizi izləyin. İstintaqın gedişini izləyib sizlərə dəqiq məlumatlar verəcəyik.

P.S. Axşam saatlarında aldığımız məlumata görə, Masallıya yollanan prokurorluq əməkdaşları artıq qətlin hansı şəraitdə törədilməsi ilə bağlı ipucu əldə ediblər. Buna görə də Hacı Mazan bərk narahatlıq keçirir. Çünki onun da adı şübhəlilər siyahısında hallanır.

"Gündəlik Bakı" araşdırma qrupu

Uyğun mövzülar :

 "Embawood"un icraçı direktoru özünü asdı

 Bayram Zeynalov Xətai RPİ-nin rəisi olacaq?

 Qəriblər kənd bələdiyyəsi sədrinin n ...

 Lənkəranda məscidə silahlı basqın edildi

 Ramazan Zeynalov adam öldürüb?