Sahibkar: марта 2011

вторник, 1 марта 2011 г.

Əmr Misir Mərdanov yoldaşındır...

Qurumda hər kəs ondan niyə qorxur?

12 min attestatı 5 min manata satan şöbə müdiri daha nələri edir?

Bax belə... Bu da Azərbaycan təhsilinin dayağı sayılan və gələcəyimizi ona bagladığımız qurum və orada baş verənlər...

Bu qurum barədə dəfələrlə yazılıb, deyilib. Konkret faktlar kənarda qalmaqla yalnız ümumtəhsil məsələsinə aid olan maqamlara aydınlıq gətirilir. Daha çox hallarda qurum tamam susub.

İndi deyəcəklərimizi heç vaxt nə oxumusuz, nə də eşitmisiz.

Əldə etdiyimiz dəqiq məlumatlara görə, nazirlikdə kadr seçimində tamam fərqli üsuldan istifadə olunur. Bu üsul isə təhsilə uğurlar gətirmək əvəzinə vəziyyəti daha da ağırlaşdırır, reanimasiyada olan təhsilimizi ölümcül hala salma həddinə qədər gətirib çıxarır.

Diqqət edin, bir neçə il əvvəl Təhsil Nazirliyinə Bakı Dövlət Universitetində adi laborant işləyən Təranə Hacıyeva adlı şəxs nazirliyin monitorinq və qiymətləndirmə şöbəsinə müdir təyin edilir. Təbii ki, bu barədə xüsusi əmr imzalanır və Təranə xanım işə başlayır. Elə hesab etməyin ki, sözügedən xanım nazirliyə xüsusi layihə və ya proqramlar həyata keçirmək üçün gətirilir. Bu, sadəcə, seçim olur.

Elə həmin gündən də nazirlikdə ümumi abı-hava dəyişir. Bütün müavinlər və şöbə müdirləri Təranə Hacıyeva ilə ehtiyatla davranır, onun bir sözünü iki edən olmur. Hətta iclaslarda belə bu xanım nazir müavinləri ilə eyni sırada oturaraq iclası izləyir, çox hallarda iclaslara gəlmir. Məlumatda bildirilir ki, Təranə Hacıyeva nazirlikdə yenicə işə başlayanda orta səviyyədə yaşayan birisi olsa da, indi pula pul demir və "Lexus" sürür.

Nazirlikdə xüsusi "hörmətə" və diqqətə malik olan Təranə Hacıyeva il ərzində bir neçə dəfə xarici ölkələrə səfərlərdə olur və orada istirahət edir. İlin yerdə qalan aylarını isə Azərbaycanın dilbər guşələrini gəzir.

Qeyd edək ki, nazirlikdəki vəziyyət barədə məlumatlar axşam saatlarında əlimizə çatdığından anons şəklində sizlərə təqdim etmək qərarına gəldik. Bu səbəbdən də gələn saymızda aşağıda olan faktları dəqiqliyi ilə dərc edəcəyik.

- Nazir müavinləri Təranə Hacıyevadan niyə qorxur?

- Şöbə müdirinin "Yaponiya səfərləri" adlı qısametrajlı filmə baxmaq kimlərin xoşuna gəlir?

- Bəs kimlər kimləri məcbur edir ki, bu filmə baxsın?

- Təranə xanım avtomobillə əylənməkdən başqa daha nələri xoşlayır?

- Xarici səfərlər zamanı Təranə xanımı kim müşayiət edir?

- Ceyhun adlı şəxslə Təranə Hacıyevanın iş birliyi nazirliyə hansı xeyri verir?

- İmkan düşdükcə nazirlərdən biri ilə Almaniyaya səfər edən bu xanım orada hansı surprizlərlə qarşılaşır?

- Almaniyadakı məşhur ət kombinatının azərbaycanlı sahibi ilə Təranə Hacıyevanı nə birləşdirir?

- Sözügedən ət kombinatının sahibi Azərbaycanda hansı mühüm vəzifə sahibidir?

- Təranə Hacıyeva nazirlikdə çalışan böyük hörmətə malik Nəzakət xanımı niyə və nəyin hesabına hörmətdən saldı?

- Nəzakətin işçisi olan Könül xanım Təranəyə tutduğu hansı irada görə işdən uzaqlaşdırılıb?

- Təranə Hacıyevanın atası "Sənətkar" jurnalında hansı şərtlərlə çalışır?

- Nazirliyin muzeyindən açılan qapı Təranə Hacıyevaya xidmət edir..?

- Bu kimin tapşırığı ilə və niyə həyata keçirilib?

- Nazirlikdəki cakuzi dəyişikliyi və bu biabırçılığın bütün işçilər tərəfindən çılpaqlığı ilə bilinməsi...

- Təsərrüfat işləri ilə məşğul olan İdris müəllim hansı sözünə görə nazirlikdən uzaqlaşdırıldı?

- Nə qədər cakuzi dəyişərlər?

- Təranə Hacıyevaya niyə attestat maqnatı deyirlər?

- Bu şəxs 5 min manata neçə min attestat satıb?

- 14 min attestatı 5 min manata vursaq neçə edər, Təranə Hacıyeva?

- Nazirlikdəki Zinyət xanım kimdir və hansı xarici vətəndaşın qohumudur?

- Təranə Hacıyeva ilə Zinyət xanımı nə birləşdirir?

Bu və daha maraqlı məlumatları geniş şəkildə gələn sayımızda oxuyaqcaqsınız. Bizi izləyin. Çünki, bu məlumatları heç vaxt heç yerdən oxumayacaqsınız.

İlkin HÜSEYNLİ

BANAN YEMƏYİNİZ ÜÇÜN 1001 SƏBƏB

BANAN YEMƏYİNİZ ÜÇÜN 1001 SƏBƏB

Sağlamlıq və xoşbəxtliyin meyvəsi banan
Banan ən güclü kalium anbarlarından biridir. Təzyiqi salma, ürək ritim pozuqluğu (aritmi) qoruyur, əzələ gücsüzlüyünü aradan aparır

Qısa gövdəli və iri kökümsovlu hündür, bəzən də nəhəng otdur. Vətəni Asiya, Afrika və Avstraliyanın tropik və subtropik bölgələridir. 70-ə yaxın növü var. İstisevən hibrid növləri (M. paradisiaca və M. sapientum) daha çox yayılmışdır. Kökdən çıxan iri, qınlı yarpaqları çoxqatlı boru - yalançı gövdə əmələ gətirir. Bircinsiyyətli və ikicinsiyyətli çiçəkləri nəhəng salxımı xatırladır. Meyvələri salxımda toplaşır, hər salxımda 300-ə qədər meyvə olur, ümumi kütləsi 50-60 kq-a çatır. Tərkibində 14-22% şəkər, 5-8% nişasta, 1,5%-dək protein olur. Yeyilir, qurudulur, konserv, marmelad, şirə, şərab, banan unu və s. hazırlamaq üçün istifadə edilir. Bar verdikdən sonra yerüstü hissə quruyub məhv olur. M. textilis növünün yalançı gövdəsindən toxuçuluq sənayesi üçün lif, dəniz burazı, balıq ovunda işlədilən ip alınır. Azərbaycanda (Lənkəran, Zaqatala və Gəncədə) M. basjoo növü dekorativ bitki kimi əkilir. Hazırda Ensete (E. ventricosum) cinsinə aid edilən Efiopiya bananı (M. ensete) Afrikada yeyinti və toxuculuqda istifadə edilmək üçün becərilir.

BANANIN FAYDALARI

Banan əsasən tropik bölgələrdə bitir. Banan hələ kal olanda yığılır və daşınma zamanı yetişir. Bananın vətəni Hindistandır, məhz buradan dünyanın bütün tropik zonalarına yayılıb. Bu meyvə VII yüzillikdən insana “xidmət edir”. Banan tingəsini Cənubi Amerika qitəsinə XVI yüzillikdə ispan keşişi Tomas de Berlanka gətirib. Ekzotik meyvə şəraitə uyğunlaşdı və əhalinin xoşuna gəldi. Əgər banan bizim üçün ekzotik meyvədirsə, onlar üçün çörək, kartof və hətta əti də əvəz edən ucuz, kalorili qidadır. Biz ağ, yumşaq və dadlı özəyi, sarı qabığı olan banana adət etmişik. Amma onun həm də çəhrayı, qırmızımtıl, bənövşəyi və qara qabıqlıları da varmış. Bu növlər çox zərifdir və daşınmaya davam gətirmir. Meyvənin ölçüləri də müxtəlifdir və nisbətən kiçikölçülü olan “cırtdan” banan çox dadlı sayılır.

Bananın tərkibində çoxlu karbol olduğundan adamı tez doyuzdurur. Lətində orqanizmin müdafiə funksiyalarını möhkəmlədən, soyuqlamanın qarşısını alan xeyli miqdarda askorbin turşusu var. Banan C, A, B vitaminləri və maqniumla zəngindir. Onlar maddələr mübadiləsini yaxşılaşdırır, bədəndəki şlak və mayeni xaric edir, qandakı xolesterinin səviyyəsini aşağı salır, immuniteti bərpa edir, əsəbləri sakitləşdirir. Buna görə də bir çox idmançılar, xüsusən də tennisçilər yarışdan öncə və sonra banan yeyirlər. Banan mədəsində yara olanlara çox faydalıdır. Alimlər iddia edirlər ki, banan hüceyrələrin və mədənin selikli qişasının bərpasına yardım edir. Hipertoniklər gündə 1-2 ədəd banan yeməklə təzyiqlərini 10% endirə və bununla da insult riskini azalda bilərlər. Gündə 5 ədəd banan yemək isə qan təzyiqini endirmək üçün lazım olan dərmanları iki dəfə azaldar.

Bananın hər 100 qramında 90kkal enerji var.

Banan dəmirlə zəngin olduğu üçün qanda hemoqlobini artırır və anemiyanın müalicəsində böyük rol oynayır. Kaliumla zəngin olduğu üçün qan təzyiqinin aşağı salınmasında böyük rol oynayır. Banan B vitamini ilə zəngin olduğu üçün əsəb sistemini sakitləşdirir. Bananın tərkibində A1, C, B6, B12, maqnezium, kalium, kalsium, dəmir və fosfor var. Aclığı yatızdırmaq üçün banan yeyə bilərsiniz. Bu zaman orqanizminiz enerji və faydalı elementlərlə təmin olunacaq. Bananın diqqətin artırılmasında və əqli keyfiyyətlərin yaxşılaşdırılmasında böyük rolu var. Banan bağırsaqların fəaliyyətini yaxşılaşdırır. Depressiyadan əziyyət çəkənlər: bu sizin malınızdır. Mədəniz qıcqqırarsa banan köməyinizə gələcək. Yemək arası banan yeməklə gümrahlığı bərpa etmək olar.

Ağcaqanadlar əleyhinə dərmanlardan istifadə etməzdən əvvəl həmin yerə banan qabığı sürtün. Bu qıcıqlanmanın qarşısını alacaq. Banan həm də bədən tempraturunu tənzimləyir. Ürək döyüntülərini normallaşdırmaq üçün bananı gündəlik yeyəcəklərin sırasına daxil edin. Ziyilləri məhv etmək üçün bananın qabığından istifadə etməyiniz məsləhətdir. Banan yeməklə iştahanı bərpa etmək, göz altındakı torbaları aradan qaldırmaq olar. Banandan hazırlanmış maskalar hər cür dəriyə faydalıdır. Yetişmiş banan cinsi həvəsi artırır. Süd verən qadınlarda laktasiyanı normallaşdırır. Kal bananlar bağırsaq şişlərinin yaranmasının qarşısını alır. Bananın kökü qan xəstəliklərinin müalicəsi üçün faydalıdır. Banandan qaraciyər xəstəliklərinin qarşısı almaq üçün də istifadə olunur. Yaşıl banan dadlı olmasa da tərkibində çox nişasta olur. Kalium hər şeydən əvvəl ən əhəmiyyətli həyati minerallardanndır. Təzyiqin aşağı salınmasında, son dərəcə əhəmiyyətli təsirə malikdir. Kaliumla zəngin olan meyvə sümüklərin möhkəm olmasına səbəb olur. Banan cinsi qüvvəni artırır. Yuxusuzluğu aradan aparır.

Nərgiz Kazımlı

Cinsi zəifliyə qarşı vasitə: evdə hazırlayın və qəbul edin

Cinsi zəifliyə qarşı vasitə: evdə hazırlayın və qəbul edin

Dərman içməyə ehtiyac yoxdur.

Son zamanlar insanların cinsi həyatlarında bəzi problemlər yaşanır. Bunun nəticəsində kişilər və qadınlar sonsuzluqdan, impotensiya, sperma pozğunluğu, aybaşı pozğunluğu, klimaks, eroziya və. s kimi cinsi xəstəliklərdən əziyyət çəkənlərin sayı günü-gündən artır.
Bir qisim cinsi xəstəliklərin yaranmasının səbəbi cinsi zəifliklə bağlıdır. Kişilər bir çox hallarda cinsi zəiflikdən xilas olmaq üçün aktivlik yaradan preparatlara, əsasən də viaqraya üstünlük verirlər.
Keçmişdə yaşamış insanların həyatı ilə maraqlansaq, cinsi zəiflikdən, cinsi xəstəliklərdən, sonsuzluqdan əziyyət çəkənlərinin sayının indiki dövrlə müqayisədə çox az olduğunu görərik. Halbuki, keçmişdə nə cinsi fəallıq yaradan preparatlar, nə viaqra olub. Bəs keçmişdə insanların cinsi həyatlarını problemsiz yaşamalarına kömək edən əsas vasitələr nə idi?
Milli.Az xəbər portalı heç bir dərman preparatlarına, həkim-təbibə müraciər etmədən, ev şəraitində hazırlana bilən vasitələri təqdim edir. Viaqra, cinsi aktivlik yaradan digər preparatların əvəzedicilərini hər kəs özü hazırlayıb qəbul etməklə, cinsi zəiflikdən və cinsi xəstəliklərdən xilas ola bilər.
Cinsi zəiflik, sonsuzluq, sperma pozğunluğu və eroziyadan əziyyət çəkən kişilər bu problemlərin azalması üçün viaqra əvəzləyici enerji qarışığını qəbul edə bilər:
Tərkibi: bal, doşab (bəhməz), püstə, qoz, fındıq, badam, kişmiş, şüyüdün kok hissəsi, zəfəran və sarıkök.
Hazırlanması: 5 xorək qaşığı bala 3 xorək qaşığı doşab əlavə edin. Püstə, qoz, fındıq, badam, kişmiş, şüyüdün kok hissəsini yaxşıca əzib püre halına gətirərək bal və doşab qarışığına əlavə edin. Üzərinə zəfəran və sarıkok tökərək yaxşıca qatışdırın və gündə iki dəfə səhər yeməyindən və axşam yeməyindən 20 dəqiqə sonra 1 xörək qaşığı qəbul edin. 10 gün bu qatışığı qəbul etdikdən sonra cinsi problemlərinizə xeyrli təsir göstərdiyinin şahidi olacaqsınız.
Qadınlarda isə mensturasiya pozgunluğu, klimaks ən çox rastlanan cinsi problemlərdir. Bu problemin həlli üçün əsrlərdən bəri xanımların istifadə etdiyi bir içki var.
500 qr suya bir orta ölçülü soğanı dörd yerə bölüb əlavə edin və qaynadın. Qaynanmış suyu gündə bir dəfə bir armudu stəkanda 1 çay qaşığı bal ilə qarışdırıb 10 gün ərzində için. Tezliklə xeyirli təsirinin şahidi olacaqsınız. Bundan əlavə hər gün səhər oyananda əncir mürəbbəsi ilə çay için. Çünki əncir mürəbbəsi seksual aktivliyin artmasına təsir göstərir bu səbəbdən də əncir qadınların meyvəsi hesab edilir.

Nura

Azərbaycan Səhiyyə Nazirliyi xəstəxanalarda əhaliyə pulsuz verilməli olan dərman preparatlarının siyahısını açıqlayıb

Azərbaycan Səhiyyə Nazirliyi xəstəxanalarda əhaliyə pulsuz verilməli olan dərman preparatlarının siyahısını açıqlayıb

[ 01 Mart 2011 17:19 ]

Bakı. İlhamə İsabalayeva - APA. Azərbaycan Səhiyyə Nazirliyi dövlət tibb müəssisələrində əhaliyə pulsuz verilməli olan dərman preparatlarının adını açıqlayıb.
Səhiyyə Nazirliyindən APA-ya verilən məlumata görə, siyahıda 60 dərman preparatının, 41 tibbi ləvazimat və köməkçi materialların adı qeyd edilib. Səhiyyə nazirinin “Azərbaycan Respublikasının əhalisinə zəmanətli tibbi yardımın təmin edilməsi” barədə 2005-ci il dekabrın 1-də verdiyi 141 saylı əmrə əsasən, bütün tibb müəssisələrində əhaliyə göstərilən zəmanətli tibbi xidmət, müayinələr və göstərilən dərman preparatları ilə müalicə pulsuzdur. Müraciət edən xəstələrə aşağıdakı dərman preparatlarının və sarğı materiallarının ödənişi dövlət tərəfindən həyata keçirilməlidir.

№	Dərman preparatların adı	№	Dərman preparatların adı
1.	Aktivləşdirilmiş kömür tab.	31.	Ketamin (və ya Kallipsol)
2.	Aktoveqin	32.	Kofein-benzoat amp.
3.	Albusid	33.	Kordiamin damcı, amp.
4.	Aminazin tab., amp.	34.	Korvalol damcı (valokardin)
5.	Aminokarpon turşusu məhlul	35.	Qeparin amp.
6.	Aspirin tab.	36.	Qlükoza məhlul, amp.
7.	Atropin-sulfat amp.	37.	QOMK amp.
8.	Baralgin tab., amp.	38.	Lidokain amp. (və ya Novokain)
9.	Benzilpenisillin (və ya Ampisillin, Qentamisin,Streptomisin, Kanamisin)	39.	Maqnezium sulfat
10.	Deksametazon tab., amp.	40.	Mannit
11.	Diazepam tab., amp. (və ya Relanium, Seduksen)	41.	Morfin hidroxlorid (və ya promedol)
12.	Dibazol tab., amp.	42.	Mukaltin
13.	Dimedrol tab., amp. (və ya Suprastin, Taveqil)	43.	Natrium Xlorid məhlul
14.	Disol məhlul (və ya Trisol, Asesol)	44.	Nitroqliserin tab. (və ya Nitronq)
15.	Droperidol amp.	45.	Noşpa tab., amp. (Spazmolqon)
16.	Eufillin tab., amp. (və ya Diafillin)	46.	Pananqin tab., amp.
17.	Fenobarbital	47.	Papaverin amp.
18.	Fenozepam tab.	48.	Pilokarpin damcı
19.	Fentanil	49.	Platifillin amp.
20.	Festal tab. (və ya Panzinorm, Diqestal)	50.	Poliqlükin məhlul
21.	Furosemid tab., amp (Laziks)	51.	Prednizalon tab., amp.
22.	Haloperidol tab., amp.	52.	Prozerin amp.
23.	Halotan	53.	Riboksin tab., amp.
24.	Hemodez məhlul	54.	Ringer laktat məhlul
25.	İmodium	55.	Serukal
26.	İnsulin amp.	56.	Strofantin amp. (və ya Korqlükon)
27.	Kalium xlor amp.	57.	Validol tab.
28.	Kalsium xlor amp.	58.	Veroşpiron
29.	Kamfora amp.	59.	Vikasol
30.	Kavinton	60.	Vitaminlər tab., amp.

TİBBİ LƏVAZİMATLAR VƏ KÖMƏKÇİ MATERİALLAR

№	Dərman preparatların adı	№	Dərman preparatların adı
1.	Ammiak	31.	Hidrogen peroksid məhlulu
2.	Bint	32.	Sistemlər
3.	Brilyant yaşılı	33.	Steril əlcəklər
4.	Dezinfeksiyaedici məhlullar	34.	Şprislər
5.	Emulsiya sintomisin	35.	Termometr
6.	Etil spirti	36.	Tənzif
7.	Göbək sıxacı	37.	Tibbi oksigen
8.	İmalə	38.	Tikiş materialları
9.	Kalium permanqanat	39.	Vazofiks
10.	Katetrlər	40.	Yod məhlulu
11.	Leykoplastlar	41.	Zondlar
12.	Pambıq	42.

Azərbaycan Respublikası Prezidentinin 2006-cı il 28 dekabr tarixli 504 nömrəli Fərmanı ilə təsdiq edilmiş “Azərbaycan Respublikasının İqtisadi İnkişaf Nazirliyi haqqında Əsasnamə”yə dəyişiklik və əlavə edilməsi barədə Azərbaycan Respublikası Prezidentinin Fərmanı

15 fevral 2011, 18:45

Text size

1. Azərbaycan Respublikası Prezidentinin 2006-cı il 28 dekabr tarixli 504 nömrəli Fərmanı (Azərbaycan Respublikasının Qanunvericilik Toplusu, 2006-cı il, №12, maddə 1051; 2008-ci il, №4, maddə 255, №11, maddə 970, №12, maddə 1065; 2009-cu il, №10, maddə 775, №12, maddələr 983, 991; 2010-cu il, №2, maddə 80, №4, maddə 296) ilə təsdiq edilmiş "Azərbaycan Respublikasının İqtisadi İnkişaf Nazirliyi haqqında Əsasnamə"yə aşağıdakı dəyişiklik və əlavə edilsin:

1.1. 2.1.9-cu bənddə “regionların sosial-iqtisadi inkişafını təmin edən tədbirləri” sözləri “regionların sosial-iqtisadi inkişafı və mənzil-kommunal təsərrüfatı sahələrində dövlət siyasətini” sözləri ilə əvəz edilsin;

1.2. 3.1.11-ci bənddə “iştirak etmək” sözlərindən sonra “, aidiyyəti dövlət orqanları ilə birlikdə mənzil-kommunal təsərrüfatı sahəsində dövlət siyasətinin, inkişaf konsepsiyasının, dövlət proqramlarının və normativ hüquqi aktların layihələrinin hazırlanmasını təmin etmək” sözləri əlavə edilsin.

İlham Əliyev
Azərbaycan Respublikasının Prezidenti

Bakı şəhəri, 15 fevral 2011-ci il.

Azərbaycan Respublikası Prezidentinin 2011-ci il 15 fevral tarixli Fərmanı ilə təsdiq edilmişdir

Sahibkarlıq sahəsində aparılan yoxlamaların vahid məlumat reyestrinin forması və aparılması qaydası haqqında Əsasnamə

15 fevral 2011, 19:00

Azərbaycan Respublikası Prezidentinin
2011-ci il 15 fevral tarixli Fərmanı ilə təsdiq edilmişdir

I. Ümumi müddəalar

1.1. Bu Əsasnamə “Sahibkarlıq sahəsində yoxlamaların nizama salınması və istehlakçıların hüquqlarının qorunmasının təmin edilməsinə dair bəzi tədbirlər haqqında” Azərbaycan Respublikası Prezidentinin 2010-cu il 13 aprel tarixli 246 nömrəli Fərmanının 1.2-ci bəndinə uyğun olaraq sahibkarlıq sahəsində aparılan yoxlamaların vahid məlumat reyestrinin formasını, habelə onun aparılması, istifadə edilməsi və məlumatların mühafizəsi qaydalarını müəyyən edir.
1.2. Sahibkarlıq sahəsində aparılan yoxlamaların vahid məlumat reyestri (bundan sonra - Reyestr) xüsusi dövlət informasiya ehtiyatıdır.
1.3. Reyestr sahibkarlıq sahəsində yoxlamaların aparılmasının mütəmadiliyi, ardıcıllığı, təkrarlanması və nəticələri haqqında tam və operativ məlumatın əldə olunmasını mümkün edir.
1.4. Azərbaycan Respublikasının qanunvericiliyinə uyğun olaraq sahibkarlıq fəaliyyəti subyektlərində hər hansı yoxlama (nəzarət) funksiyalarına malik icra hakimiyyəti orqanları, habelə dövlət mülkiyyətində olan və müvafiq xidmətlərin göstərilməsində inhisarçı mövqe tutan hüquqi şəxslər (bundan sonra – yoxlayıcı orqanlar) sahibkarlıq fəaliyyəti subyektlərində keçirdikləri bütün növ yoxlamaların (o cümlədən araşdırmaların, müayinələrin, monitorinqlərin, müşahidələrin, təftişlərin, nəzarətlərin, xronometrajların, reydlərin, baxışların və s.) bu Əsasnamə ilə müəyyən edilmiş müddətdə və qaydada Reyestrdə qeydiyyata alınmasını təmin etməlidirlər.
1.5. Sahibkarlıq sahəsində aparılan hər bir yoxlama Reyestrdə qeydiyyata alındıqdan sonra həyata keçirilə bilər.
1.6. Aşağıdakılar Reyestrdə qeydiyyata alınmır:
1.6.1. sərhəd-buraxılış məntəqələrində keçirilən yoxlamalar;
1.6.2. dəniz və hava limanlarında nəzarətdən irəli gələn yoxlamalar;
1.6.3. dövlət mülkiyyətində olan müəssisələrin idarəetməyə verilməsi barədə müqavilələrdən irəli gələn yoxlamalar.
1.7. Reyestr öz səlahiyyətləri daxilində Azərbaycan Respublikasının Ədliyyə Nazirliyi və Naxçıvan Muxtar Respublikasının Ədliyyə Nazirliyi (bundan sonra – Ədliyyə Nazirliyi) tərəfindən aparılır.
1.8. Ədliyyə Nazirliyi Reyestrin məlumat bazasının formalaşdırılmasını, saxlanılmasını, idarə olunmasını, tamlığını və mühafizəsini təmin edir.

II. Reyestrin aparılması prinsipləri

2.1. Reyestr Azərbaycan Respublikasının dövlət dilində aparılır.
2.2. Reyestr vahiddir, vahid forma, metod və prinsiplər əsasında aparılır.
2.3. Reyestrin formalaşdırılması, aparılması, istifadəsi və orada saxlanılan məlumatların mühafizəsi elektron texnologiyalar əsasında, qarşılıqlı məlumat mübadiləsini təmin edən qeydiyyat informasiya sistemi vasitəsilə həyata keçirilir.
2.4. Qeydiyyat informasiya sistemi aşağıdakıları təmin etməlidir:
2.4.1. informasiyanın məlumat bazasına operativ daxil edilməsini, orada dəyişilməz, aydın şəkildə oxunaqlı vəziyyətdə saxlanılmasını və emalını;
2.4.2. yoxlamanın Reyestrdə qeydiyyata alınmasını və bu barədə yoxlayıcı orqanların və sahibkarlıq subyektlərinin məlumatlandırılmasını;
2.4.3. Reyestrdəki məlumatların daxil edilməsinin, dəyişdirilməsinin və silinməsinin qeydiyyatının aparılmasını;
2.4.4. digər aidiyyəti dövlət elektron informasiya ehtiyatlarına inteqrasiya olunmasını.
2.5. Reyestrə daxil edilən məlumatların itirilməsinin, təhrif edilməsinin və qanunsuz əldə olunmasının qarşısının alınması üçün onun müdafiə sistemi yaradılır.
2.6. Reyestrin qeydiyyat informasiya sisteminin yaradılması, idarə olunması, təkmilləşdirilməsi və ondan səmərəli istifadənin təmin edilməsi məqsədi ilə texniki-proqram kompleksinin formalaşdırılması və ona texniki xidmət Ədliyyə Nazirliyi tərəfindən həyata keçirilir.
2.7. Reyestrin qeydiyyat informasiya sistemində yalnız lisenziyalı proqram-texniki və sertifikatlaşdırılmış mühafizə vasitələrindən istifadə edilir.

III. Reyestrin forması

3.1. Reyestrə yoxlayıcı orqanlar, sahibkarlıq fəaliyyəti subyekti kimi vergi orqanlarında qeydiyyata alınan bütün hüquqi və fiziki şəxslər, habelə yoxlamalar barədə məlumatlar daxil edilir.
3.2. Yoxlayıcı orqanlar barədə məlumatlar qüvvədə olan qanunvericiliyə əsasən formalaşdırılır və həmin orqanların siyahısından və onların yoxlama səlahiyyətinə aid olan məsələlərdən ibarətdir.
3.3. Reyestrin sahibkarlıq fəaliyyəti subyekti kimi vergi orqanlarında qeydiyyata alınan bütün hüquqi və fiziki şəxslər barədə məlumatları Azərbaycan Respublikasının Vergilər Nazirliyi tərəfindən təqdim edilən uçot məlumatları əsasında formalaşdırılır və aşağıdakılardan ibarətdir:
3.3.1. vergi ödəyicisinin eyniləşdirmə nömrəsi (o cümlədən dəyişdirilmiş vergi ödəyicisinin eyniləşdirmə nömrələri);
3.3.2. hüquqi şəxsin (filial və nümayəndəliyin), xarici dövlətlərin hüquqi şəxslərinin filial və nümayəndəliklərinin adı, hüquqi ünvanı (təsərrüfat obyektləri olduqda onların ünvanı), əlaqə telefonları, elektron ünvanı (olduqda);
3.3.3. fərdi sahibkarın soyadı, adı, atasının adı, qeydiyyatda olduğu və faktiki yaşadığı ünvan (təsərrüfat obyektləri olduqda onların ünvanı), əlaqə telefonları, elektron ünvanı (olduqda);
3.3.4. sahibkarlıq fəaliyyəti subyektinin qeydiyyata alınma tarixi, vergi ödəyicisi kimi qeydiyyata alınması, yenidən qeydiyyata alınması və qeydiyyatdan çıxarılması tarixləri;
3.3.5. sahibkarlıq fəaliyyəti subyektinin fəaliyyət göstərməsi, fəaliyyətinin dayandırılması, fəaliyyətinə xitam verilməsi barədə məlumat.
3.4. Reyestrə yoxlama ilə bağlı aşağıdakı məlumatlar daxil edilir:
3.4.1. yoxlamanın kodu;
3.4.2. yoxlayıcı orqanın adı (birgə yoxlama həyata keçirilən zaman digər yoxlayıcı orqanların da adları göstərilməlidir);
3.4.3. yoxlanılması nəzərdə tutulan sahibkarlıq subyektinin vergi ödəyicisinin eyniləşdirmə nömrəsi;
3.4.4. yoxlanılması nəzərdə tutulan sahibkarlıq fəaliyyəti subyektinin hüquqi ünvanı;
3.4.5. yoxlanılması nəzərdə tutulan sahibkarlıq subyektinin adı;
3.4.6. yoxlanılması nəzərdə tutulan sahibkarlıq subyekti barədə aparılan sonuncu yoxlama;
3.4.7. yoxlamanın hüquqi əsası və predmeti;
3.4.8. yoxlamanın aparılacağı faktiki ünvan;
3.4.9. yoxlamanın növü (yoxlama, araşdırma, müayinə, monitorinq, müşahidə, təftiş, nəzarət, xronometraj, reyd, baxış və s.);
3.4.10. yoxlanılan dövr (dövrün başlanğıc və son tarixləri göstərilməklə) və ya yoxlamanın xüsusiyyətlərindən asılı olaraq cari fəaliyyəti;
3.4.11. yoxlamanın müddəti (başlama və sona çatma tarixləri göstərilməklə);
3.4.12. yoxlamanın keçirilib-keçirilməməsi (yoxlama keçirilmədikdə bunun səbəbləri göstərilməklə);
3.4.13. yoxlamanın nəticələri, o cümlədən yoxlama ilə qanun pozuntularının aşkar edilib-edilməməsi, yol verilmiş pozuntular barədə qəbul olunmuş qərarlar (məsuliyyətə cəlb olunmuş təqsirkar şəxslər, görülmüş məsuliyyət tədbirləri, materialların aidiyyəti üzrə göndərildiyi dövlət orqanları, materialların göndərilməsinə dair məktubların tarix və nömrələri).
3.5. Yoxlanılan sahibkarlıq subyektinin xüsusi qeydləri - onun yoxlama barədə qeydi, müraciəti, şikayəti və digər aidiyyəti məsələlər də Reyestrə daxil edilir.

IV. Reyestrin aparılması

4.1. Reyestr elektron formada aparılır.
4.2. Hər növbəti il üzrə yoxlamaların keçirilməsi barədə bu Əsasnamənin 3.4.2-ci, 3.4.5-3.4.11-ci bəndlərində nəzərdə tutulmuş məlumatları özündə əks etdirən, kağız üzərində və elektron formatda tərtib olunmuş illik yoxlama planı yoxlayıcı orqanın rəhbəri və ya onun vəzifəsini icra edən şəxs tərəfindən imzalanmış məktubla hər ilin 1 noyabr tarixindən gec olmayaraq Ədliyyə Nazirliyinə təqdim edilir və ya onlayn rejimində göndərilir.
4.3. Bu Əsasnamənin 4.2-ci bəndinə uyğun olaraq təqdim edilmiş illik yoxlama planında nəzərdə tutulub-tutulmadığından asılı olmayaraq, yoxlamaların qeydiyyata alınması üçün hər bir yoxlama barədə bu Əsasnamənin 3.4.2-ci, 3.4.5-3.4.11-ci bəndlərində nəzərdə tutulmuş məlumatlar, yoxlamadan ən azı 1 iş günü əvvəl yoxlayıcı orqanın rəhbəri və ya onu əvəz edən şəxs tərəfindən imzalanaraq Ədliyyə Nazirliyinə təqdim edilməlidir və ya onlayn rejimində göndərilməlidir.
4.4. Yoxlama müraciət edilən gündən 1 iş günü müddətində qeydiyyata alınır.
4.5. Bir sahibkarlıq fəaliyyəti subyektində yoxlamanın keçirilməsi barədə bir neçə yoxlayıcı orqanın müraciəti əsasında Reyestrdə həmin yoxlayıcı orqanların iştirakı ilə birgə yoxlama qeydiyyata alına bilər.
4.6. Reyestrdə qeydiyyata alınmış yoxlama hər hansı səbəbdən aparılmadıqda yoxlayıcı orqan bu barədə səbəbləri göstərilməklə yoxlamanın aparılması nəzərdə tutulan tarixdən 5 iş günü keçənədək Ədliyyə Nazirliyini məlumatlandırmalıdır. Reyestrdə qeydiyyata alınmış yoxlama sahibkarlıq fəaliyyəti subyektindən asılı olmayan səbəblərdən aparılmadıqda, həmin yoxlama növbəti 1 il müddətində təkrar qeydiyyata alınmır.
4.7. Yoxlayıcı orqan aparılmış hər bir yoxlamanın başa çatmasından sonra 5 iş günü ərzində bu Əsasnamənin 3.4.13-cü bəndində nəzərdə tutulmuş məlumatları Ədliyyə Nazirliyinə təqdim etməlidir və ya onlayn rejimində göndərməlidir.
4.8. Reyestrdə qeydiyyata alınan hər bir yoxlamaya xüsusi alqoritm əsasında vahid və təkrarlanmayan yoxlama kodu verilir.
4.9. Ədliyyə Nazirliyi sahibkarlıq sahəsində aparılan yoxlamalar barədə hər 3 aydan bir Azərbaycan Respublikasının Prezidentinə və Azərbaycan Respublikasının Nazirlər Kabinetinə məlumat verir (keçirilmiş yoxlamaların predmeti və əsasları, yoxlayıcı orqanlar və yoxlanılan sahibkarlıq subyektləri, yoxlamaların nəticələri, qəbul olunmuş qərarlar, yol verilən pozuntular, görülmüş tədbirlər, təhlillər, statistik və digər göstəricilər qeyd olunmaqla).
4.10. Reyestrdə sahibkarlıq fəaliyyəti subyektləri və onlarda keçirilmiş yoxlamalar barədə məlumat 10 il saxlanıldıqdan və ya sahibkarlıq fəaliyyəti subyektinin fəaliyyətinə xitam verildikdən sonra arxivləşdirilir, o şərtlə ki, zərurət yarandıqda, bu məlumat bərpa edilə bilsin.

V. Reyestrdən məlumatların verilməsi qaydası

5.1. Yoxlamanın qeydiyyata alınması barədə yoxlayıcı orqanlara qeydiyyat aparıldığı gün, habelə yoxlanılan sahibkarlıq fəaliyyəti subyektlərinə sorğu əsasında sorğunun daxil olduğu gündən 2 iş günü müddətində onlayn rejimində Reyestrdən çıxarış göndərilir. Reyestrdən çıxarışda aşağıdakı məlumatlar göstərilir:
5.1.1. yoxlamanın kodu;
5.1.2. yoxlayıcı orqanın adı;
5.1.3. yoxlanılan sahibkarlıq fəaliyyəti subyektinin adı və vergi ödəyicisinin eyniləşdirmə nömrəsi;
5.1.4. yoxlamanın aparılması müddəti (başlanılması və sona çatması tarixləri);
5.1.5. yoxlamanın predmeti və hüquqi əsası.
5.2. Yoxlamanın keçirilməsi üçün yoxlayıcı orqanın vəzifəli şəxsi yoxlamanın qeydiyyata alınması barədə Reyestrdən çıxarışı sahibkarlıq fəaliyyəti subyektinə təqdim etməlidir.
5.3. Yoxlayıcı orqanlar və sahibkarlıq fəaliyyəti subyektləri Reyestrin istifadəçiləridirlər.
5.4. Reyestrdə qeydiyyata alınmış yoxlamalar barədə məlumat qeydiyyat aparıldığı gün Ədliyyə Nazirliyi tərəfindən bu Əsasnamənin 5.5-5.7-ci bəndlərinin tələbləri nəzərə alınmaqla internet şəbəkəsində yerləşdirilir.
5.5. Yoxlayıcı orqanlar yalnız özləri tərəfindən keçirilən yoxlamalarla bağlı məlumat bazasına daxil ola və həmin məlumatlardan istifadə edə bilər.
5.6. Sahibkarlıq fəaliyyəti subyektləri yalnız özləri ilə əlaqədar aparılmış yoxlamalarla bağlı məlumat bazasına daxil ola və həmin məlumatlardan istifadə edə bilər.

VI. Reyestrin maliyyələşdirilməsi

Reyestrin formalaşdırılması və aparılması dövlət büdcəsinin vəsaiti hesabına maliyyələşdirilir.

VII. Məsuliyyət

7.1. Yoxlayıcı orqanların vəzifəli şəxsləri Reyestrdə qeydiyyatdan keçməyən və ya bu Əsasnamənin tələbləri pozulmaqla yoxlamaların aparılmasına görə qanunvericiliklə müəyyən edilmiş qaydada məsuliyyət daşıyırlar.
7.2. Ədliyyə Nazirliyinin Reyestrin aparılmasını həyata keçirən vəzifəli şəxsləri Reyestrin və yoxlamaların qeydiyyatının aparılmasının, Reyestr məlumatlarının mühafizə və istifadə olunmasının bu Əsasnamənin tələbləri pozulmaqla həyata keçirilməsinə görə qanunvericiliklə müəyyən edilmiş qaydada məsuliyyət daşıyırlar.

Sahibkarlıq sahəsində aparılan yoxlamaların vahid məlumat reyestrinin forması və aparılması qaydası haqqında Əsasnamə