naziri daha işləyə bilmədiyini açıqlayıb,

Səhiyyə naziri daha işləyə bilmədiyini açıqlayıb, fərman yanvarda oxunacaq, Cəmil Əliyev isə nazir təklifini geri çevirib
Səhiyyə sistemində son dövrlər cərəyan edən proseslər sonda nazir Oqtay Şirəliyevin istefa verməsinə səbəb olub. Hakimiyyətdəki etibarlı qaynaqlardan TİA.AZ-a daxil olan məlumata görə, ötən həftənin cümə günü səhiyyə naziri Oqtay Şirəliyev dövlət başçısına istefa ərizəsini təqdim edib. Mənbənin bildirdiyinə görə, nazir atdığı addımı nazirliyi idarə edə bilməməsi və səhhətində yaranmış problemlərlə əlaqələndirib.
TİA.AZ-a verilən məlumatlara görə, Oqtay Şirəliyevin istefasını qəbul edən hakimiyyət dairələri onun yerinə hal hazırda Respublika Onkologiya Mərkəzinin rəhbəri Cəmil Əliyevi gətirmək niyyətindəymişlər. İstefa ərizəsi məsələsi ortalığa çıxdıqdan sonra Əliyevlə görüşən hakimiyyət nümayəndələri onun nazir postuna təyin ediləcəyini bildiriblər. Amma mərkəz rəhbəri bu təklifi qəbul etmək fikrində olmadığını deyib.
Mənbələr bildirir ki, Cəmil Əliyev tibb sahəsini çox yüksək səviyyədə bilən şəxs olmaqla yanaşı, həm də bacarıqlı bir kadr kimi tanınır. Elə seçim məsələsində onun üzərində dayanılmasının başlıca səbəbi də bu keyfiyyətlərə malik olmasıdır. Onun bu təyinata razılıq verməməsinin konkret səbəbləri bəlli deyil.
Qeyd edək ki, Oqtay Şirəliyevin istefa verməsi barədə rəsmi məlumat bu günlərdə yayılmalıymış. Lakin gözləmə mövqeyində dayanan hakimiyyət dairələri onun yerinə yeni birini tapdıqdan sonra bu addımı atmaq qərarına gəliblər. Məlumatlarda deyilir ki, problem yanvara kimi həllini tapmalıdır. Elə Şirəliyevin işdən çıxarılması ilə bağlı rəsmi açıqlama da bundan sonra veriləcək.
  Tarix: 20.12.2010

polisdə işləyən qardaşı oğlu

Sabiq deputatın polisdə işləyən qardaşı oğlu ilə müstəntiq qohumu tutduğu vəzifələrindən xaric edildi
Son parlament seçkilərində YAP-ın siyahısına düşə bilməyən sabiq deputat Əhəd Abıyev şəxsi təşəbüsü ilə yenidən müstəqil namizəd olsa da, seçkilərə iki gün qalmış namizədliyini geri götürdü. YAP-ın siyahısına düşməməklə onun siyasi karyerasının üzərindən xətt çəkildiyi tam dəqiqləşsə də, Abıyev yenə də şansını sınamaq qərarına gəlmişdi. Amma olmadı.
TİA.AZ-a daxil olan məlumatlara görə, Masallının deputatı olmuş sözügedən şəxsin indiyə qədər buraxdığı səhvlərin bir-bir əvəzini çıxmağa başlayıblar. Gözlənildiyi kimi, sabiq deputatın vəzifə başında olan qohumlarından proses start götürüb. Belə ki, ilk olaraq Abıyevin Astara Gömrük Məntəqəsində işləyən qardaşı Qadir Abıyevə qarşı atılan addım birtəhər sakitləşdirilib. Lakin çox keçmədən ikinci bir addım atılıb. Bu dəfə Əhəd Abıyev yaxın qohumlarını xilas edə bilməyib.
Mənbə bildirir ki, sabiq deputatın Masallı rayon Polis Şöbəsində işləyən iki qohumu dünən vəzifəsindən azad edilib. Məlumatda deyilir ki, Abıyevin qardaşı oğlu Kamal Abıyev polis orqanlarından xaric edilib. Amma proses təkcə bununla bitməyib. Ardından sabiq deputatın polisdə işləyən daha bir qohumu da işdən çıxarılıb. Masallı polisində müstəntiq vəzifəsində çalışan həmin şəxsin adını isə dəqiqləşdirməyimiz hələlik mümkün olmayıb.
Baxılıb: 41 | Tarix: 17.12.2010

rayonların rəhbərləri

Onların arasında paytaxt rayonlarının rəhbərləri də var

Yaxın günlərdə bir sıra şəhər və rayonların rəhbərləri - icra hakimiyyətlərinin başçıları tutduqları vəzifələrdən azad ediləcəklər. Bu barədə məlumat etibarlı mənbələrdən ötən gün "Gündəlik Bakı" qəzetinə daxil olub.

Mətbu orqanımızın ən mötəbər instansiyalardan əldə etdiyi səhih məlumatlara görə, ayrı-ayrı sahələrə dövlət tərəfindən ayrılan vəsaitlərin mənimsənilməsində, yerlərdəki sosial problemlərin aradan qaldırılmamasında, korrupsiya məsələlərində adı hallandırılan, habelə rəhbəri olduğu rayonun qış mövsümünə hazırlığını lazımınca təmin etməyən məmurların öz vəzifələrindən kənarlaşdırılacaqları gözlənilir. Qəzetimizi bilgiləndirən mənbənin sözlərinə görə, vəzifə səlahiyyətlərini aşmış, vətəndaşlara qarşı bürokratik əngəllər törətmiş məmurlar tutduqları postlara "əlvida" deməli olacaqlar. Bu prosesə isə bir neçə gündən sonra - gələn ilin əvvəllərində, yanvarda start veriləcək. Mənbəmizin məlumatına görə, bir sıra rayonların sıravi vətəndaşlarının paytaxta ünvanlanmış çoxsaylı ərizə və şikayətləri respublikamızın şimal-qərb, Aran, habelə cənub rayonlarının rəhbərlərinin yerində olmadıqlarını göstərir. Hazırda müxtəlif bölgələrdən gələn şikayət məktubları, sakinlərin bəzi məmurlardan haqlı narazılıqlarını ifadə edən ərizələr sistemləşdirilir. Qeyd edək ki, 2009-cu ilin sonlarında, 2010-cu ilin əvvəllərində Azərbaycanın bir sıra şəhər və rayonlarından, o cümlədən Naftalan, Ağdam, Ucardan, eləcə də digər şəhər və rayonlardan məmurların qeyri-qanuni fəaliyyətləri, vəzifə səlahiyyətlərindən sui-istifadə hallarını aşmaları ilə bağlı çoxsaylı şikayətlər edilirdi. Ən çox narazı vətəndaşların qeydə alındığı rayon isə Ucar idi. Həmin səbəbdən də bu rayonun icra başçısı Arzu Qafurov tutduğu vəzifəsindən kənarlaşdırıldı. Sonradan isə xeyli narazı rayon sakini ilə Arzu Qafurov arasında məhkəmə prosesinə start verildi.

Beləliklə, 2011-ci ilin əvvəli ölkəmizdə məmur dəyişiklikləri ilə yadda qalacaq.

Anar TAĞIYEV

   

Zahir bəyin öz şagirdi olub

Kameranı baş redaktordan alan polis işçisi isə Zahir bəyin öz şagirdi olub
Masallıda ötən günlərdə hicabla bağlı keçirilən aksiyanı lentəə alan «Cənub Xəbərləri» qəzetinin baş redaktoru Zahir Əmənovun videokamerasını polis əlindən alıb. TİA.AZ-ın bununla bağlı əldə etdiyi məlumata görə, həmin addımı atan polis işçisi serjant Zamir Kazımovdur.
Məlumatda deyilir ki, Kazımovla danışıq aparan baş redaktor ondan kamerasını geri istəsə də, bir nəticə hasil olmayıb. Hətta iş Masallı rayon Polis Şöbəsinə qədər gedib çıxıb və orada rayonun rəisi Əkbər Yusifovla Zahir Əmənov arasında dialoq olub. Baş redaktora çəkdiyi görüntüləri yayımlamamaq barədə xahiş edən polis rəisi indiki məqamda buna gərək olmadığını deyib. «Cənub Xəbərləri»nin rəhbəri isə bildirib ki, o, videogörüntüləri yayımlamaqda israrlıdır və bu səbəbdən də kamera ilə çəkilişin qeyd olunduğu lentlərin özünə qaytarılmasını tələb edib.
Qeyd edək ki, videokameranı Əmənovdan alan Zamir Kaızmov heç də baş redaktora yabançı biri olmayıb. Araşdırmamız zamanı məlum olub ki, Masallı rayon Polis Şöbəsində serjatn rütbəli bu gənc oğlan bir zamanlar Zahir Əmənovun şagirdi olub. Belə ki, Zahir Əmənov orta məktəbdə «İnsan və Cəmiyyət» fənnindən dərs deyən zaman Zamir də onun şagirdlərindən biri olub. Amma buna baxmayaraq, şagirdi müəlliminin videokamerasını əlindən alıb və onu polis şöbəsinin rəislərinə təhvil verib. 

Tarix: 20.12.2010

Əziz dostum , Zahir bəy salam!

Əziz dostum , Zahir bəy salam!

Bir varlı hacının taxıl sahəsini biçənlər buğdanı  xırmana tökürlər. hər gün xırmanda olan buğdaya nəzarət edən hacı, görür ki, günü – gündən buğda azalır. Buna görə də əmbizin üzərinə bir ulağ onun ardınca isə xotuq şəkili çəkir, səhəri gün əmbizə baxmağa gələn Həci görür ki, buğda azalıb və çəkdiyi şəkilin yeri dəyişib . sən demə xırman işçiləri buğdadan oğurladıqdan sonra tələm – tələsik şəkilin yerini əksinə çəkiblər. bunu görən hacı utandığından deyə bilmir ki, niyə taxıldan oğurlamısınız. Soruşur ki, mən dünən gedəndə ulağ qabağda onun balası xotuğ isə arxada idi . Bəs inndi necə olub ki, xotiğ anasından qabağa keçib? Buğda oğurlayanlardan biri hacının sualını belə cavablandırır. – ay hacı xotuğ ac olduğundan çox yeyib odur ki, anasından qabağa keçib!

Bax budur ki, sənin vaxtı ilə dərs verdiyin şagird indi nəinki anasını hətta müəllimini belə ötüb keçib. Elə ona görə də narahat olma. Həyatda belə şeylər çox olur. Uğurlar sənə Əmənov .

Sonda isə bir atalar sözünü xatırlamaq istəyirəm.

Ustadına kəm baxanın gözlərinə qan damar....... və yaxud

Yetimdən soruşurlar ki, böyüyəndə kimi ......... deyir çörək verənimii....

PİŞİK İLİNDƏ BİZİ NƏ GÖZLƏYİR?

“Ümidlər ili”ndə yaxşı istirahət də ola bilər, güclü zəlzələ də “Pələng ilində dünyada insanlar çox gərgin dövr yaşadı: iqtisadi böhran, məhəlli münaqişələr, dəhşət miqyaslı təbii fəlakətlər, siyasi-hərbi gərginlik, epidemiyalar və s. Cəsarətlə deyə bilərik ki, qarşıdakı ildə bu hallar çox aşağı faiz göstəricisinə düşəcək. El dilimizlə desək, qulağımız dinc olacaq. Bundan irəli gələrək yaxşı istirahət etməyə, təbiət qoynunda doğma və yaxınlarla dincəlməyə də şərait olacaq”. Bunu hər gün “Yeni Müsavat”ın oxucularına astroloji proqnozlar təqdim edən, “Qoroskop” qəzetinin baş redaktoru Səbuhi Rəhimli bildirir. Məlum olduğu kimi, Şərq təqviminə əsasən 2011-ci il Metal ünsürlü Ağ Pişik ili olacaq. S.Rəhimlinin fikrincə, Pişik ili əslində fevralın 3-də başlayacaq. O vaxta qədər Pələng ili hakim olduğu üçün ötməkdə olan ildə baş verən gərginlik hələ də davam edəcək: “Bir neçə dövlətdə hakimiyyət dəyişikliyi də gözlənilir. Qarşıdurmalar da davam edəcək. Xüsusən də yanvarın birinci yarısında dünya ölkələrində, xüsusilə Avropada sensasion hadisələr olacaq”. Astroloqun proqnozuna görə, fevralın 3-dən sonra vəziyyət kəskin surətdə dəyişəcək: “Çünki Pişik illəri bir qayda olaraq sakit keçir. Təbii ki, söhbət ümumi atmosferdən, qarşılıqlı münasibətlərdən və cəmiyyətin inkişafı prosesindən gedir. Bütün dövrlərin astroloqları Pişik illərini ”ümidlər ili" adlandırıblar". S.Rəhimli Pişik ilini “ümidlər ili” adlandırmaq üçün əsasları olduğunu da bildirdi: “Bütün astroloji mənbələr göstərir ki, bu ildə insanlar öz enerji və qüvvələrini daha çox münasibətlərə, ailə və dostlara sərf etməlidirlər. Yalnız bu halda ilin ”oyun qaydalarına" riayət etmiş olarlar. Yeri gəlmişkən, Pişik yalanı və xəyanəti bağışlamır, əyyaşları, narkomanları isə sevmir. Bu isə cəmiyyətin sağlamlaşmasına öz töhfələrini verə bilər.  Axı Pişik həm də şəfakardır, sabitliyin himayədarı, cəsarətli insanların qoruyucusudur. Ailə və qohumluq zəminində olduğu kimi, yaradıcılıq müstəvisində də hər bir mübahisəni həlim və diplomatik şəkildə həll etmək pişiyin xoşuna gəlir". Qeyd edək ki, 12 ildən bir müxtəlif heyvanların adını daşıyan Şərq nücum təqviminə görə Pişik ilini bəzən Dovşan ili də adlandırılır. S.Rəhimli isə bildirir ki, bütün qədim mənbələrdə bu illər başqa adla çağrılmayıb, həmçinin ilin xarakterik cizgiləri, reaksiya və davranışları pişiyə daha çox uyğundur: “İlin əsl adı Pişikdir. Dovşan adı isə son üç əsrdə çəkilməyə başlayıb. Amma bizlər üçün bu, mübahisə predmeti deyil - qoy kim necə istəyir desin, təki ümumi mənfəətdən hamı yararlansın”. Astroloq Ağ Pişik ilinin 12 dekabr 2012-ci ildə başa çatdığını da  vurğuladı: “İlin planeti: Yupiter, ilin uğurlu ayları: mart, dekabr,  uğursuz ayları isə iyun, sentyabr hesab edilir. Düşərli gün: cümə axşamı, cümə, ilin ağır günü isə çərşənbə axşamıdır.  İlin düşərli təqvimləri: 3, 4, 6, 7, 9, 11, numeroloji rəqəmi: 4-dür”. S.Rəhimli Pişik ilində aparıcı bürclərin, rənglərin, daşların da adlarını sadaladı: “Oxatan, Balıqlar ilin aparıcı bürcləridir. Pişik, Keçi, Qaban isə aparıcı işarələrdir. Göy, narıncı, ağ, bənövşəyi bu ilin düşərli rəngləri, ilin daş-qaşı: sapfir, ametist, zümrüd, ilin metalı isə sinkdir. Nərgiz, qərənfil, yasəmən bu ilin uğurlu çiçəklərindəndir: İlin talismanı: nal, düyündür”. S.Rəhimli İtaliya, Rusiya, Kiçik Asiya, Portuqaliya, Macarıstan, Yuqoslaviya, İspaniya, Latın Amerikası (Meksika və Braziliyadan başqa), ərəb ölkələri Pişik ilində aktiv ölkələr sırasında olduğunu dedi. Astroloq Pişik ilində baş verən mühüm hadisələri də təqdim etdi: Səlibçilər ordusu Qüdsdə qətliam törədib; Gürcü çarı II İrakli Rusiya təbəəliyini qəbul edib; İranda Qacarlar sülaləsinin görkəmli nümayəndəsi Ağa Məhəmməd şah hakimiyyətə gəlib; II Yekaterina Tiflisdə rusların möhkəmlənməsi barədə fərman verib; Qırğız torpaqları Rusiya imperiyasının təbəəliyini qəbul edib; Nobel qardaşları Bakıda fəaliyyətə başlayıblar; Rusiya Sevastopolu işğal edib; Qori seminariyasında Azərbaycan şöbəsinin yaranması haqda qərar verilib; Dünyada ilk dəfə olaraq təyyarənin uçuşu sınaqdan keçirilib; Gülhanə Hərbi Tibb Akademiyası fəaliyyətə başlayıb; Şamaxıda güclü zəlzələ olub; Türk ordusu Çanaqqalada zəfər çalıb; Ermənilər Şamaxıda qırğın törədib; Macarıstan Avstriyadan ayrılaraq müstəqillik elan edib; İraq istiqlaliyyət qazanıb; Dünyada ilk televiziya verilişləri yayınlanmağa başlayıb; Mikayıl Müşfiq güllələnib; II Dünya müharibəsi başlayıb; Sovet ordusu Polşanı işğal edib; İordaniya kralı Abdullah ibn Hüseyn öldürülüb; Valentina Tereşkova ilk qadın kimi kosmosa uçub; Laos Xalq Demokratik Respublikası elan edilib; Qüzey Kıbrıs Türk Cümhuriyyəti qurulub; Türkiyənin dörd şəhərində (Kocaeli, Sakarya, Yalova və İstanbul) 17 min 127 adamın ölümü ilə nəticələnən dəhşətli zəlzələ baş verib; Türklərin ən amansız düşməni, 30 min türkün ölümündə əli olan kürd terror şəbəkəsi PKK-nın rəhbəri Abdulla Öcalan həbs olunub; Bakı-Tiflis-Ceyhan neft-boru kəmərinin çəkilişi haqqında saziş imzalanıb; Terrorçular Ermənistanın Milli Məclisinə silahlı basqın edərək baş naziri, spikeri və digər bir neçə tanınmış şəxsi qətlə yetiriblər; NATO qüvvələri Serbiya və Kosovanı bombalayıb... Qarşıdan gələn iliniz uğurlu olsun! Nərgiz İSMAYILOVA

Cəlilabad Məhkəməsi analoqu olmayan qərar verdi

21 -12 -2010 . Kərəm Həsənov 6 nəfəri həbs etdirib?
Cəlilabad Məhkəməsi analoqu olmayan qərar verdi

65 yaşlı Mahmudağa Miriyevin üzüna duran gənc ifadəsindən imtina etsə də şakim həbs qərarı çıxardı

Cəlilalab rayonunda icra başçısının və Əmlak Məsələlri üzrə Dövlət Komitəsinin sədri Kərəm Həsənovun fəaliyyətindən şikayət edən 65 yaşlı Mahmudağa Miriyev həbs olunub. Xatırladaq ki, Miriyevlər ailəsi ilə Kərəm Həsənovun arasındakı münaqişənin tarixi xeyli əvvələ təsadüf edir. Təqiblərə məruz qalan ailədən qəzetimizə bildirilmişdi ki, komitə sədri bu ailə ilə ədavət aparır, əvvəlcə Mahmudağa Miriyevin oğlunu, sonra isə özünü həbs etdirməklə qisas alır. Komitə sədrinin tapşırığı ilə həyata keçirilən bu özbaşınalıqlarına son qoyulması üçün dövlət qurumlarına edilən şikayətlər isə baxılmamış qalır.
Dünən M.Miriyevin ailə üzvlərindən aldığımız məlumata görə, Cəlilabad rayon Məhkəməsinin qərarı ilə onun barəsində iki aylıq həbs qəti-imkan  tədbiri seçilib. Məhkəməyə zərərçəkmiş şəxs qismində cəlb edilən Tofiq Məmmədov ifadə verərək, heç bir şikayətinin olmadığını desə də məhkəmə buna məhəl qoymayıb.
Müdafiə tərəfinin vəkili isə əmindir ki, Kərəm Həsənov istintaqın da gedişinə təsir edəcək və obyektiv istintaq aparılmayacaq. Ona görə də onlar cinayət işinin Cəlilabaddan alınıb ətraf rayonlardan birinə verilməsi üçün Baş prokuror Zakir Qaralova müraciət edib.
Dünən M.Miriyevin ailə üzvləri həmçinin, Prezident Administrasiyana gedərək, şikayətlərini bildiriblər.
Qeyd edək ki, M.Miriyevin həbsinə səbəb olan hadisə iki ay bundan əvvəl baş verib. Beləki, ötən ayın əvvəlində içkili vəziyyətdə olan gənc M.Miriyevi təhqir edib. Çayxanada olan sakinlər və Miriyev onu etikaya dəvət edən zaman polislər peyda olub. Sonra həmin şəxsdən Miriyevin əleyhinə ifadə alıblar. Həkimdən də saxta kağız alıblar ki, guya Miriyev ona xəsarət yetirib. Ancaq sonradan həmin şəxs hüquq-mühafizə orqanlarına rəsmən müraciət etdi ki, onu heç kəs vurmayıb və içikli olduğu üçün günahı öz üzərinə götürür. Amma onun müraciətlərinə baxan olmayıb.
Miriyevin ailə üzvləri polis rəisinin və prokurorun yanında olan zaman maraqlı cavab alıblar: «Dedilər ki, bu iş Kərəm Həsənovun göstərişidir. İcra başçısını uşaq kimi qabağına qoyub danlayan Kərəm Həsənov ondan tələb edir ki, bizə qarşı repressiya aparsın. Və indi də istəyinə nail oldu».
Rayondakı mənbələrdən əldə etdiymiz məlumata görə bir neçə rayon sakini də Kərəm Həsənovun göstərişi ilə həbs olunub.  Maraqlıdır ki, onların hamısı Mahmudağa Miriyev kimi Cinayət Məcəlləsinin 221.3 maddəsi ilə ittiham olunub. Araşdırmalarımız zamanı həmin şəxslərin kimliyini də öyrənə bildik.
1. Təyyar Zülfüqarov (Azad Sahibkarlar Konfederasiyasının Cəlilabad rayon şöbəsinin rəhbəri)
2. Akif Əsədov
3. Yavər (keçmiş polis əməkdaşı)
4. Heydər Əzizov (keçmiş bələdiyyə üzvü)
5. Solmaz Tomarova (Damazlıq Birliyinin keçmiş direktoru)
6. Şəfa Əhmədova (məcburi köçkün)

Elmar

Polis rəisi baş redaktora niyə minnətçi düşüb?

Əkbər Yusifov Masallıda keçirilmiş aksiyanın görüntülərini Zahir Əmənovdan yaymamağı istəyir
Xəbər verildiyi kimi, bir neçə gün bundan əvvəl Masallıda hicabın orta məktəblərdə qadağan olunmasına etiraz əlaməti olaraq etiraz aksiyası keçirilib. 150-yə yaxın şəxsin Təhsil Nazirliyinin qərarına etiraz etməsini önləmək məqsədi ilə addım atan Masallı polisi isə bir sıra yanlışlıqlara yol verib.
TİA.AZ-a daxil olan məlumatlara görə, həmin vaxt yerli polis əməkdaşları aksiyaçılara qarşı qanundan kənar hərəkət etməklə yanaşı, həm də bir sıra ciddi yanlışlıqlara yol veriblər. Etiraz edən kütləni dağıtmaq üçün onların üzərinə maşın sürüldüyü və buna bənzər digər addımlar atıldığı vurğulanır. Həmin tapşırıqların birbaşa polis rəisi Əkbər Yusifov tərəfindən verildiyinə dair iddialar da var. Hətta o da vurğulanır ki, məhz bu hadisəyə görə, polis rəisinin müavini Əlifağa müəllimə töhmət belə verilib.
Rayondakı mənbələrdən TİA.AZ-a verilən məlumatlara görə, baş verən hadisələr «Cənub Xəbərləri» qəzetinin baş redaktoru Zahir Əmənov tərəfindən videolentə alınıb. Elə polis rəisi Əkbər Yusifovu da narahat edən əsas məqam budur. Mənbə bildirir ki, məsələdən xəbər tutan polis rəisi dərhal Əmənovun yanına Adam göndərərək, ona minnətçi düşüb. Belə ki, Yusifov baş redaktordan xahiş edib ki, çəkdiyi videogörüntüləri yaymasın. Bunun qarşılığında isə qəzet rəhbəri ilə istənilən anlaşmanı əldə etməyə razı olduğunu bildirib.
Məlumatlarda deyilir ki, «Cənub Xəbərləri» qəzetinin rəhbəri polis rəisinin adamı ilə görüşdükdən sonra ona həmin görüntüləri yayacağı ilə bağlı xəbərdarlıq göndərib. Və bildirib ki, istiənilən halda bu prosesin qarşısını almaq mümkün olmayacaq. Ona görə də, boşuna zəhmət etməyərək, hər hansı bir adamını bir daha onun yanına göndərməsin.
  Tarix: 17.12.2010

Rayonda icra başçısı ilə

Rayonda icra başçısı ilə tanınmış şəxslərdən biri arasında mübahisənin yarandığına dair məlumat dolaşır Masallıda icra başçısı Qəzənfər Ağayevlə rayonun tanınmış şəxslərindən biri arasında ciddi insidentin baş verdiyi barədə məlumat əldə etmişik. TİA.AZ-a daxil olan məlumatlarda deyilir ki, hadisə dünən rayonun mərkəzində baş verib.
Xəbərdə vurğulanır ki, icra başçısı Qəzənfər Ağayev öz işçiləri ilə birlikdə rayonun mərkəzində görülən işlərlə tanış olmaq üçün gəzintiyə çıxıb. «Köhnə Bazar» deyilən əraziyə yaxın bir yerdə onun qarşısına çıxan rayonun tanınmış şəxslərindən biri icra başçısına söz atıb. Buna reaksiya verən başçı isə əvəzində ağır sözlər eşitməli olub. Ardından isə həmin şəxs Ağayevin üzərinə hücum çəkib və onu sərt şəkildə hədələyib.
Məlumatı verən mənbələr bildirirlər ki, hadisənin əlbəyaxa döyüşə çevirlməsinə imkan verməyən İcra Hakimiyyətinin işçiləri ortalığı sakitləşdirməyə nail olublar. Sonra isə hər mübahisəyə səbəb olan şəxsin oradan uzaqlaşmasını xahiş ediblər.
TİA.AZ bildirir ki, insidentin yaranmasına səbəb olan sözügedən şəxsin kimliyi məlum olsa da, tam dəqiqləşdirmə aparmadan bu barədə məlumat vermək niyyətində deyilik. Yalnız onu deyə bilərik ki, həmin şəxslə icra başçısı arasında münasibətlər çoxdandır pozulub və tərəflər imkan daxilində bir-birlərinə qarşı addımlar atırlar. Baxılıb: 44 | Tarix: 08.12.2010

Seks qadınları cavanlaşdırır

10 Dekabr 2010 [18:09] - Milli.Az

Müntəzəm sekslə məşğul olmaq qadınların ömrünü uzadır.

Milli.Az xəbər portalının vrach.tv saytına istinadən verdiyi məlumata görə, Şotlandiya alimləri həftədə təxminən 3 dəfə sekslə məşğul olan qadınlar üzərində eksperiment aparıb. Onların real yaşlarından 4 yaş cavan göründükləri təsdiqlənib. Tədqiqatçılar bunu seks zamanı qadın orqanizmində qocalmaya səbəb olan hormonların inkişafının qarşısını alan hormonların artması ilə izah edir. Alimlərin sözlərinə görə, seks qadınlarda nəinki dərinin qırışmasının qarşısını alır, həm də sifəti təravətləndirir, gözlərin ətrafındakı şişləri və yuxusuzluğu aradan qaldırır. Bütün bunlar yekunda xanımların ömrünün uzanmasına səbəb olur. Milli.Az

İSMƏT ABBASOVUN LƏNKƏRANDAKI MAXİNASİYASI FAŞ OLDU

Nazir imitasiya edərək iki əməkdaşını işdən çıxarıb; “Araz” kredit ittifaqı 60-dək vətəndaşı aldadaraq mənzillərini girov götürüb

“Lənkəranda "Araz" kredit ittifaqı adlı təşkilat 60-a yaxın vətəndaşı aldadaraq mənzillərini girov götürüb. Mənzillər hələ də girovdadır və aldadılan vətəndaşlar çıxılmaz duruma düşüblər. Onlar təşkilatdan kredit götürərkən az məbləğdə pul istəyiblər. Əvəzində mənzillərini girov qoyublar. Ancaq təşkilatın baş mühasibi Elşən İbadov savadsızlıqlarından sui-istifadə edərək onları aldadıb və böyük məbləğdə kreditlərə qol çəkdirib".

Bu məlumat “Yeni Müsavat”a Lənkərandakı mötəbər mənbədən daxil olub. Onun iddiasına görə, “Araz” kredit ittifaqının rəhbəri Qəhrəman Hüseynov bu ilin yayında Baş Prokuror yanında Korrupsiyaya Qarşı Mübarizə İdarəsinin Lənkəranda keçirdiyi əməliyyat nəticəsində həbs olunub, hazırda onun barəsində qaldırılan cinayət işinin istintaqı davam edir. Ancaq aldadılan vətəndaşların mənzilləri hələ də girovluqdan xilas olmayıb.
Mənbə qeyd edib ki, bu cinayətin arxasında kənd təsərrüfatı naziri İsmət Abbasov dayanır: “Məqsəd qeyri-leqal kredit təşkilatları yaradıb milyonlarla manatlıq maxinasiyalara yol verməkdir. Ona görə də Kənd Təsərrüfatı Nazirliyi nəzdində Kənd Təsərrüfatı Kreditləri üzrə Dövlət Agentliyinin (KTKDA) xətti ilə maliyyə təşkilatları tərəfindən fermerlərə ayrılan 100 milyon manata qədər kredit düzgün sərf olunmayıb, ünvanlara düz çatdırılmayıb. Bu pullar Lənkəranda ”Araz", İmişlidə isə “İlham” kredit ittifaqlarının adına keçirilib. Lənkərandakı təşkilat rayonda kənd təsərrüfatı işləri ilə məşğul olmayan vətəndaşlara kredit vəd edib. Nəticədə onları bu şəkildə aldadıblar. Həmin vətəndaşlardan ikisi Mülayim Əliyev və Rahib Nəsirovdur. Onların savadsızlığından istifadə olunub və mənzilləri hələ də girovluqdadır".
Qaynağımız deyir ki, zərərçəkmiş Mülayim Əliyevə evin girovluğu müqabilində 8 min manat kredit vəd olunub: “Ancaq ona 43 min manata qol çəkdiriblər. Həmin 8 min kredit də ona çatmayıb. O, Prezident Administrasiyasına məktub yazandan sonra Baş Prokurorluğa çağırılıb. Orada zərərçəkmişə deyilib ki, mənzili girovluqda deyil. Ancaq bu insan indiyə kimi mənzilini girovdan çıxarmaq istəsə də mümkün olmur. Eyni zamanda Rahib Nəsirov 6 min manat kredit almaq istəyib. Ancaq ona da hiylə gəliblər və 33 min manata qol çəkdiriblər.
Qeyd edək ki, İsmət Abbasovun əməlləri barədə “Azadlıq” qəzetinin ötən saylarının birində məlumat verilmişdi. Xəbərdə qeyd olunurdu ki, bu maxinasiyada İsmət Abbasova əvvəlcə Kredit Layihəsi üzrə İcraçı Kredit Agentliyinin baş direktoru, nazirin yaxın adamı hesab edilən Məcid Əsədov və kredit meneceri Məmməd Hüseynov yardım edib. Onlar “Araz” və “İlham” adlı kredit ittifaqları yaratmaqla 100 milyon manat vəsaiti qaranlıq ünvanlara yönəltmək istəyiblər. “İlham” kredit ittifaqının rəhbəri vəziyyəti belə gördükdə İsmət Abbasova mənimsənən pulları İcraçı Kredit Agentliyinə qaytarmağı tələb edib. Əks təqdirdə maxinasiya ilə bağlı hüquq-mühafizə orqanlarına məlumat verəcəyini bildirib. Bundan sonra İsmət Abbasov görüntü xətrinə Məcid Əsədovla Məmməd Hüseynovu işdən çıxarıb.
Kredit Agentliyinin rəhbərliyinə Məmməd Hüseynovun dayısı Arif Əliyev gətirilib. Bundan sonrakı maxinasiyalar onun əli ilə həyata keçirilib. Beynəlxalq qurumlar tərəfindən Şimal-Şərq (Xaçmaz-Quba-Qusar) layihəsi üçün ayrılan 15 milyon manat, Şimal-Qərb (Şəmkir-Tovuz-Qazax) layihəsi üçün ayrılan 20 milyon manat, Cənub (Lənkəran-Astara) bölgəsi üçün ayrılan 15 milyon manatın əhəmiyyətli hissəsi təyinatı üzrə xərclənməyib.
Yazıda adı hallanan şəxsləri də dinləməyə hazırıq.

Emil SALAMOĞLU

2286 dəfə baxılı

“WİKİLEAKS” HAKİMİYYƏTDAXİLİ CASUSLARI İFŞA ETDİ

6.12.2010

İQTİDAR BUNUNLA BAĞLI GİZLİ ARAŞDIRMA APARIR

 Artıq bir neçə müddətdir ki, dünyanın nəhəng dövlətləri çox ciddi informasiya sızıntısı qalmaqalı ilə üz-üzə qalıblar. Təbii ki, burada ən çox zərər görən məxfi sənədləri ifşa olunmuş Amerika Birləşmiş Ştatlarıdır. Amma bu sənədlər ABŞ-la yanaşı, çox ciddi siyasi çevrələri və dövlətləri də hədəfə çevirdi. Məlumatlara görə, ABŞ-a aid məxfi sənədləri ələ keçirmiş «WikiLeaks» saytına Amerika hökuməti içindən dəstək verənlər var və həmin qüvvələr bugünə qədər mövcud olan və dünya dövlətləri arasındakı münasibətləri tənzimləyən bəlli prinsiplərin darmadağın edilməsini hədəfləyiblər.

 Elə bunu Türkiyə mətbuatına müsahibəsində adı neçə gündür dillərdən düşməyən «Wiki Leaks»-in rəhbəri Culian Assancın özü də dolayı yolla etiraf edib. Açıqlamalarından özünü kifayət qədər məlumatlı olmaqla yanaşı, həm də bir sadəlövh kimi təqdim etməyə çalışan Culian Assanc bildirir ki, o, gücləri əzməyi qarşısına məqsəd qoyub və bu işdən hətta zövq də alır.

 Əlində ABŞ-ın məxfi servislərinə aid 3 milyona yaxın sənədin olduğunu qeyd edən «WikiLeaks» saytının rəhbəri vurğulayır ki, hələ daha tutarlı və təlatümlü faktlar irəlidədir. Elə buna görədir ki, artıq dünyanın çox ciddi ekspertləri və analitik mərkəzləri açıqlanan sənədlərin dünyada növbəti böhranlara səbəb ola biləcəyini vurğulayırlar və hətta bu faktların 3-cü dünya müharibəsi üçün zəmin ola biləcəyini qeyd edənlər də var.

 «Wiki Leaks» və Azərbaycan!

 Təbii ki, bir Azərbaycan vətəndaşı olaraq bizləri daha çox ilgiləndirən sözügedən təşkilatın ölkəmizlə, Azərbaycan iqtidarının ayrı-ayrı simaları ilə bağlı açıqladığı məxfi faktlardır. Doğrudur, bu materialların hamısı demək olar ki, Azərbaycanın rəsmi dairələri tərəfindən təkzib olunub və olunmaqdadır. Qeyd edək ki, eyni addımı gizli işləri ifşa olunmuş digər dövlətlərin rəsmi qurumları da atıblar. Amma onlardan fərqli olaraq, ABŞ-ın rəsmi dövlət qurumları nəinki açıqlanan faktları təkzib etmədilər, hətta kimisə cəzalandırmağa belə həvəsli olmadıqlarını da nümayiş etdirdilər. Əksinə, Culian Assanc hədəf olaraq seçildi ki, bu da əslində, ABŞ-ın menyüsünə əlavə edilmiş növbəti «Ben Laden» obrazından başqa bir əhəmiyyət daşımadı.

 ABŞ-dan fərqli olaraq digər dövlətlər, o cümlədən Azərbaycan dövləti təkzib yolunu seçdi. Halbuki açıqlanan faktlarda bu hakimiyyətin mövqelərini möhkəmləndirə biləcək dəlillər də yetərli idi. Məsələn, «Wiki Leaks» sənədlərindən aydın oldu ki, Azərbaycan prezidenti İlham Əliyev hətta bağlı qapılar arxasında belə ölkəmizin Qarabağ maraqları naminə hər hansı güzəşt haqqında düşünmür. Halbuki bu vaxtaqədərki dövr ərzində həm müxalif, həm də müstəqil mətbuatda bu fakta tamam əks istiqamətdə təbliğat aparılırdı.

 O zaman sual olunur: Nədən hakimiyyət «Wiki Leaks» sənədlərini təkzib etməyə qərar verdi? Sualın cavabı həm sadədir və həm də açıqlanan, açıqlanmaqda olan digər faktlardakı dəlillərdən də aydındır. Hakimiyyət xüsusilə, Türkiyə və Azərbaycanla bağlı olan hissələrlə bağlı təkzib versə də, bu həm də o demək idi ki, rəsmi Bakı «Wiki Leaks»in bütün faktlarını təkzib edir.

 Təbii ki, hansısa məsələyə hansısa formada münasibətin bildirilməsi hər kəsin doğal haqqıdır. Eləcə də Azərbaycan hakimiyyəti bir neçə gündür bütün dünyanı lərzəyə gətirən «Wiki Leaks» sənədlərini təkzib edə bilər. Lakin bir məqam var. Açıqlanan faktlar o qədər inandırıcıdır ki, sübuta belə ehtiyac duyulmur, eyni zamanda açıqlanan faktlar ölkəmizdə ciddi bir casus şəbəkəsinin fəaliyyət göstərdiyini isbatlayır.

 Hakimiyyət ciddi narahatçılıq keçirir!

 Bu da bir faktdır. Redaksiyamıza çox mötəbər mənbələrdən daxil olmuş informasiyalar da təsdiqləyir ki, artıq rəsmi Bakı özünün «WikiLeaks»lə bağlı xüsusi araşdırma qrupunu yaradıb və bir neçə gündür ki, ciddi şəkildə fəaliyyət göstərən qrupda ölkənin xüsusi xidmət orqanlarının nüfuzlu və peşəkar nümayəndələri təmsil olunurlar. Məlumatlı mənbə iddia edir ki, xüsusi araşdırma qrupunun yaradılması ideyası ən yüksək səviyyədə verilib.

Əslində Azərbaycan hakimiyyətinin belə bir addımı atacağı gözlənilən idi də. Çünki söhbət Azərbaycan dövlətinin təhlükəsizlik məsələsindən gedir. İfşa olunan faktlardakı dəlillərin böyük əksəriyyəti Azərbaycanın dövlət sirrləri hesab oluna bilər.

O zaman ortaya daha bir sual çıxır: Necə olur ki, Azərbaycana aid məxfi məlumatlar ABŞ səfirliyinin və yaxud da ABŞ-ın xüsusi xidmət orqanlarına çalışan hər hansı bir şəxsin əlinə keçib? Redaksiyamızı bu barədə bilgiləndirən məlumatlı mənbələr bildirir ki, yaradılmış xüsusi qrup da məhz bu informasiya sızıntısının qaynaqlarını müəyyən etmək üçün fəaliyyətdədir.

İnformasiyaya görə, bu məsələdə çox sərt davranılacaq. Çünki «WikiLeaks»in açıqladığı sənədlərdəki dəlilləri sıradan vətəndaşların bilməsi qeyri-mümkün olduğundan, hakimiyyət təftiş işinin öz daxilində aparılmasına qərar verib. Yəni hansısa məmur və qruplaşma bugünə qədər ABŞ-a aid xüsusi xidmət orqanlarına gizli şəkildə məlumatlar ötürüb. Hakimiyyəti də narahat edən bu məqamdır və yaradılmış xüsusi qrupa həvalə edilmiş missiya da bu məsələdə günahkar olanların aşkarlanmasından ibarətdir.

 «Agent-Məmurlar» cəzalandırılacaq!

«ƏDALƏT» CARÇISI

«ƏDALƏT» CARÇISI
7.12.2010
 SİMA

“RUS BEYİNLİ” AZƏRBAYCAN SİYASƏTÇİSİ

Dosye:

İsmayılov İlyas Abbas oğlu 1938-ci il martın 20-də Tovuz rayonunda anadan olub.

1962-ci ildə Azərbaycan Dövlət Universitetinin hüquq fakültəsini bitirib. 1963-cü ildə Leninqrad Dövlət Universitetinin cinayət-hüquq kafedrası üzrə aspiranturaya daxil olub, 1966-cı ildə orada hüquq elmləri namizədi alimlik dərəcəsi almaq üçün dissertasiya müdafiə edib.

1966-cı ildən 1970-ci ilədək Azərbaycan Elmlər Akademiyasının fəlsəfə və Hüquq İnstitutunun kiçik və baş elmi əməkdaşı işləyib, sonra 2 il respublika prokurorunun köməkçisi olub.

1972-ci ildən 1978-ci ilədək Azərbaycan KP MK-nın inzibati orqanlar şöbəsinin təlimatçısı olub. 1978-ci ildən 1985-ci ilədək respublika prokurorunun müavini, həmin vaxtdan 1990-cı ilin sentyabrına kimi Azərbaycan Respublikası prokuroru olmuşdur.

1990-cı ilin sentyabrından 1992-ci ilin yanvarınadək SSRİ prokurorluğunda şöbə rəisi vəzifəsində çalışıb.

1992-1994-cü illərdə Azərbaycan Respublikası ədliyyə naziri olub. Hüquq elmləri doktoru, professordur.

1997-ci ildə rəhbərlik etdiyi Ədalət Partiyası Sərdar Cəlaloğlunun rəhbərlik etdiyi Azərbaycan Demokrat Partiyası ilə birləşmiş, İ.İsmayılov həmin partiyanın sədri seçilmişdir. 2000-ci ildə Ədalət Partiyası yenidən müstəqil fəaliyyət göstərir. "Xalqlar dostluğu" ordeni ilə təltif olunub. Ailəlidir. İki övladı var.

İlyas İsmayılovu Azərbaycan siyasətinin veteranlarından hesab etmək olar. O AXC-nin şinelindən çıxmayıb. Kommunist partiyasının və hətta əminliklə demək olar ki, Brejnevin şinelindən çıxıb.

Başqa siyasətçilər kimi İlyas İsmayılov da siyasətə 1990-cı il xalq hərəkatının dalğasıyla gəlib. Amma başqalarından fərqli olaraq, o, xalq hərəkatında iştirak etməyib. Onu bu dalğaların içinə Əbürrəhman Vəzirov və Ayaz Mütəllimov atıb. 

Bəlkə də elə buna görə də İlyas İsmayılov bir siyasətçi kimi özünü həmişə təcrid etməyə çalışıb. Hərəkatçılarla mayası uyuşmayıb. Özünü onların içində yad hesab eləyib. Hakimiyyət qanadı da heç bir zaman İlyas İsmayılova güvənməyib və İlyas İsmayılov nə qədər cəhd etsə də, onu özünə yaxınlaşdırmayıb. Yəqin ki, bu 1990-93-cü illərdə İlyas İsmayılovun mərhum H. Əliyevə dəstək verməməsi ilə əlaqədardır.

Ona görə də İlyas İsmayılov Rəsul Quliyevlə tandem yaradıb.

«BƏŞƏRİN VİCDANI… PARTİYAMIZDIR»

İlyas İsmayılovun şanlı kommunist keçmişi var. O, 1970-ci ildən başlayaraq Respublika prokurorluğunda və Azərbaycan KP-nın MK-də məsul vəzifələrdə çalışıb. Demək olar ki, 25 ilə yaxın bir dönəmdə Azərbaycanın hüqüq sisteminə nəzarət edən adamlardan biri olbub. 1970-ci illərdə iki il Respublika Prokurorunun köməkçisi olaraq çalışıb. İki il sonra Azərbaycan KP MK-də İnzibati Orqanlar üzrə şöbədə fəaliyyət göstərib. Yəni o dönəmdə Respublikanın bütün hüquq sistemini nəzarətdə saxlayan və yönləndirən şəxslərdən biri olub.

1978-ci ildə Respublika Pokurorunun müavini işləyib. 1985-ci ildə isə Respublika Prokuroru təyin edilib. Yəni İlyas İsmayılov karyerasının bütün yüksəliş dönəmləri mərhum president H.Əliyevin birinci hakimiyyəti zamanını əhatə edir. Bu dönəmdə İlyas İsmayılov H.Əliyevin kadrı kimi tanınıb. Görünür, elə ona görə də Əbürrəhman Vəzirov və Ayaz Mütəllibov onu gözüm çıxdıya salmağa çalışırdılar. Lakin Moskvada güclü əlaqələrinin olması İlyas İsmayılova imkan verdi ki, Respublika Prokuroru vəzifəsində 1990-cı ilin sentyabrına qədər qala bilsin.

Vəzifədən çıxarılan kimi İlyas İsmayılov Moskvaya üz tutur. SSRİ dağılana qədər imperiya prokurorluğunda şöbə rəisi olaraq çalışır.

H. Əliyev M. Qorbaçov tərəfindən tutduğu vəzifələrdən azad olunduqdan sonra İlyas İsmayılov onunla əlaqə qurmaqdan çəkinir. Hətta 1992-93-cü illərdə belə o, H. Əliyevə dəstək vermək istəmir.

«RUSİYANIN ADAMI»

SSRİ dağıldıqdan sonra İlyas İsmayılov Bakıya qayıdır və aktiv siyasətlə məşğul olmağa başlayır. «Ədalət» Partiyasını təsis edən keçmiş Baş Prokuror ölkədə hakimiyyətə iddiasını irəli sürür. Bu dönəmdə Azərbaycanda siyasi vəziyyət elə idi ki, hər kəs bulanıq suda balıq tutmağa çalışırdı. Siyasi xaosun hökm sürdüyü bir ortamda kimin kim olduğunu təyin eləmək çox çətindi. Çünki avantüra arxasınca qaçan siyasətçilər çox tez-tez kurslarını dəyişirdilər.

İlyas İsmayılov Rusiyadan gəldiyinə və Rusiyanın siyasi dairələrində əlaqələri olduğu üçün Azərbaycanda hamı onu Rusiyanın adamı kimi tanımladı. Lakin sonradan məlum olacaq ki, Rusiya heç bir zaman İlyas İsmayılova birmənalı dəstək verməyib, sadəcə onun vasitəsi ilə belə bir görüntü yaradaraq bəzi siyasətçilərə təsir etmək niyətində olub. Ümumiyyətlə, Rusiya İlyas İsmayılova heç bir zaman ciddi siyasi fiqur kimi yanaşmayıb, sadəcə Azərbaycanda hakimiyyətdə olan şəxslərlə münasibətlərdə belə bir fon yaratmağa çalışıb ki, İlyas İsmayılov onun ehtiyat variantıdır. 

Görünür ki, 1992-ci ildə İlyas İsmayılovun Ədliyyə Naziri təyin olunmasında da bu faktor rol oynamışdı. İlyas İsmayılov Rusiyanın adamı kimi görünməsinə baxmayaraq, daha sakit və təmkinli siyasi fiqur rolunda çıxış edirdi. Belə zənn etmək olar ki, o, hakimiyyətin Rusiya ilə münasibətlərini normal axında yürüdə bilməsi üçün bu vəzifəyə gətirilmişdir. Elə eyni səbəbdən də Elçibəy hakimiyyətində öz postunu qoruyub saxlaya bilmişdi. Lakin o, heç bir zaman Elçibəy komandasına aid edilməmişdi. İlyas İsmayılov özü də heç bir zaman özünü Elçibəy komandasının üzvü olaraq tanıtmağa cəhd göstərməyib. Bu daha çox onun daha böyük iddialara sahib olmasının nümayişi idi.

PREZİDENTLİYƏ NAMİZƏD

1992-ci il prezident seçkiləri yəqin ki, Azərbaycanda heç bir zaman unudulmayacaq. İlyas İsmayılov bu seçkilərdə yüksək dövlət postuna iddalılar arasında daha çox sakit davranışları və populizmdən uzaq çıxışları ilə yadda qaldı. Ümumiyyətlə, İlyas İsmayılov hər zaman imkanları daxilində populizmdən uzaq olmağa cəhd göstərən siyasətçilərdəndir. O, həmişə avantürist görünməməyə çalışıb. O, daha çox adamayovuşmamazlığı ilə fərqlənib və özü üçün demək olar ki, “yalquzaq siyasətçi” imici formalaşdırıb. Onun bütün aurası tərəfdaşına inamsızlıq nümayiş etdirir. Ona görə də ona inanlar da çox azdır. Digər tərəfdən o, hər zaman özü üçün müstəqil bir dairə çizməyə cəhd göstərib.

Sonradan bu, özünü Rəsul Quliyev və Cəlaloğlu qardaşları ilə olan məcburi ittifaqında da göstərdi.

1992-ci il seçkilərdə İlyas İsmayılov ciddi bir uğur qazana bilməsə də, Azərbaycanda kifayət qədər tanındı. Ona görə də 1992-ci il seçkilərini onun siyasi həyatının başlanğıc nöqtəsi kimi İlyas İsmayılov üçün ən uğurlu seçki adlandırmaq olar.

«ƏDALƏT» CARÇISI

Elçibəy Kələkiyə getdikdən və mərhum H. Əliyev hakimiyyətə gəldikdən sonra İlyas İsmayılov yeni komandaya aid edilmədi. Bu da təbii idi. Çünki İlyas İsmayılov özünü müstəqil adam kimi aparırdı.

1994-cü ildə Ədliyyə Naziri postunu tərk etdikdən sonra İlyas İsmayılov yenidən aktiv müxalifətə qayıtdı və «Ədalət» partiyasını elan etdi. O dövrdə Azərbaycanda cırtdan partiyaların əlindən siyasətdə ayaq basmağa yer yox idi. İlyas İsmayılovun «Ədalət»i heç bir zaman böyük partiyalar sırasına girə bilməsə də, Azərbaycan siyasətində özünə yer tuta bildi. İlyas İsmayılovun özü də liderlər qrupuna girə bildi və müxalifət düşərgəsinin önəmli simalarından birinə çevrildi.

ZORƏN İTTİFAQ

1997-ci ildə İlyas İsmayılov Cəlaloğlu qardaşları ilə siyasi ittifaqa getdi. «Ədalət» partiyası ADP ilə birləşdi. Ədalət partiyası ortadan qaldırıldı və İlyas İsmayılov bunun müqabilində ADP sədrliyinə gətirildi.

Əslində, bu, o dövrdə siyasi qüvvələrin konselidasiyası baxımından çox müsbət hal idi. Çünki o dövrdə xalq kifayət qədər aktiv olmasına baxmayaraq, siyasi qüvvələr çox dağınıqdı. Ona görə də ortada olan enerji boşuna sərf edilirdi.

Lakin çox keçmədi ki, Cəlaloğlu qardaşları ikinci mühüm ittifaqa imza atdılar. Sabiq spiker, ABŞ-da mühacir həyatı yaşayan Rəsul Quliyev ADP ilə birləşdi və ADP-də həmsədrlik institutu yaradıldı. Bu birləşmə ADP-ni Azərbaycanda üçüncü ən böyük müxalifət partiyası halına gətirdi. Lakin İlyas İsmayılovun Rəsul Quliyevlə münasibətləri heç zaman normal görünmədi. Çox tez bir zamanda Rəsul Quliyevin şəxsiyyəti ADP-də önə çıxdı və faktiki olaraq ADP-nin tək liderinə çevrildi. İlyas İsmayılov ADP-də artıq adam kimi görünməyə başladı. Rəsul Quliyevin arxasında görünən, yəni partiyanın faktiki ikinci adamı Sərdar Cəlaloğlu idi. İlyas İsmayılovun ADP-nin həmsədri kimi funksiyası faktiki olaraq görünmürdü. ADP-ni Rəsul Quliyevin direktivləri ilə Sərdar Cəlaloğlu idarə edirdi.

“ÜÇ BAŞLI PRAMİDA”NIN ÇÖKÜŞÜ

1998-ci il prezident seçkilərində müxalifət partiyalarının vahid namizəd ətrafında birləşməsi ideyası ətrafında qızğın müzakirələr gedirkən, üç partiyanın birləşməsi ilə güclü görünən ADP bir anormallığa imza atdı. Bu birləşmənin Azərbaycan müxalifətinin birləşmə ideyalarına stimul verə biləcəyini düşünənlər fəna şəkildə yanıldılar. ADP prezident seçkilərinə iki namizədlə qatıldı. İlyas İsmayılov Rəsul Quliyevə güzəştə getməkdən tamamilə imtina etmişdi.

Bu durum ADP-nin içindəki anormal vəziyyəti ortaya qoydu. Tezliklə Ə. Elçibəyin Kələkidən söylədiyi, «iki başlı piramidalar çökəcək» proqnozu özünü doğrultdu. Prezident seçkilərindən sonra ADP daxilində parçalanma meylləri açıq şəkildə özünü göstərdi. İki qoç başının bir qazanda qaynaması imkansız olduğu halda, ADP üç başı bir qazanda qaynatmağa cəhd göstərirdi. Artıq İlyas İsmayılovun münasibətləri Sərdar Cəlaloğlu ilə də kifayət qədər korlanmışdı.

2000-ci il parlament seçkilərindən sonra İlyas İsmayılov ADP-dən ayrılaraq «Ədalət» Partiyasını yenidən bərpa etdi. Bu, onun bütün siyasi fəaliyyəti dövründə Hakimiyyət qarşısında göstərdiyi əsas xidmətlərdən biri və birincisi oldu.

KEÇİD DÖNƏMİ

2003-cü il prezident seçkilərində müxalifət sonunda hakimiyyətə gələ bilmək üçün əlinə tarixi fürsətin keçdiyindən əmindi. Ona görə də prezidentliyə namizədlər arasında vahid namizəd məsələsi gündəmin bir nömrəli məsələsinə çevrilmişdi. İsa Qəmbərin vahid namizədliyi üzərində aparılan müzakirələrdə bir sıra uğurlar əldə olundu. Hər kəsdən fərqli olaraq, İlyas İsmayılov istər İsa Qəmbərə, istərsə də Etibar Məmmədova dəstək verməkdən imtina etdi. Bu, artıq onun hakimiyyətə göstərdiyi ikinci xidmət idi.

Seçkilərdən sonra baş verən kütləvi qarşıdurmaya münasibətdə İlyas İsmayılov hakimiyyətə kifayət qədər loyal davrandı. O, susdu və bu susqunluğu ilə faktiki olaraq, hakimiyyət düşərgəsində yer aldığını nümayiş etdirdi.

ARZUSUNA ÇATAN ADAM

2005-ci il parlament seçkiləri zamanı İlyas İsmayılov son illərdə göstərdiyi xidmətlərə görə hakimiyyət tərəfindən mükafatlandırıldı. O, mandat sahibi oldu və bundan sonra demək olar ki, İlyas İsmayılovun səsi kəsildi. Siyasi kluarlarda demək olar ki, görünmədi. Hər halda o, uzun illərdən sonra hansı əziyyətlər hesabına hakimiyyətin mərhəmətinə sahib olduğunu unutmadı. İlyas İsmayılov yaxşı bilir ki, bir daha səhv edərsə, bunu ona bağışlamayacaqlar .

Və o, səhv etmək fikrindən tamamilə uzaqdı. Bunu ikinci dəfə mandat alması ilə bir daha sübut etdi. 

Poliqon Araşdırmalar Mərkəzi

“WİKİLEAKS”də HEYDƏROVLAR DOSYESİ

Bakıdakı Amerika diplomatlarından “fövqəlnazir”lə bağlı şok məlumatlar “Onların ailəsinin şəxsi ”Airbus-319" layneri var, nazirin iki oğlu da özlərinə “Gulfstream” təyyarələri almaq istəyir" “Wikileaks” saytı tərəfindən yayılan məxfi sənədlər arasında Azərbaycana dair daha bir şok məlumatlar üzə çıxıb. İspaniyanın “El Pais” qəzeti tərəfindən yayılan sənədə görə, Bakıdakı Amerika diplomatları Azərbaycanın ən varlı ailələrinin dosyesini hazırlayaraq Vaşinqtona göndərib. Bu dosyelərdən biri də fövqəladə hallar naziri Kəmaləddin Heydərovla bağlıdır. Bildirilir ki, gömrük xidmətinin keçmiş rəisi olan Kəmaləddin Heydərovun ailəsi Azərbaycanda ikinci ən zəngin ailədir. Onun atası Fəttah Heydərov partiya rəhbəri olub və uzun müddət Naxçıvanda işləyib. “Heydərovlar ailəsinin özəl ”Airbus 319" təyyarəsi var, lakin onun iki oğlu-Tale və Nicat da hər biri özlərinə dəyəri 20 milyon dollar olan “Gulfstream” təyyarəsi almaq istəyirlər. Onların sərvətlərinin mənbəyi barədə soruşanda Heydərovlar deyir ki, bu sərvətlər malik olduqları böyük biznes imperiyasından-qablaşdırıcı firmalardan, tikinti materialları istehsal edən zavodlardan, kimyəvi məhsulların istehsalından, tekstil məmulatlarının, kompakt-disklərin, videodisklərin, süd məhsullarının, dəri məmulatlarının satışından və digər sahələrdən qaynaqlanır. Heydərovlar həmçinin kənd təsərrüfatı məhsullarının istehsalı, fortepiano satışı, araq və şərab məhsullarının istehsalı və satışı, sığorta fəaliyyəti və digər bizneslərlə də məşğuldur. Nar şirəsi və qara kürü istehsalında da Heydərovlar inhisar haqlarına malikdir". Qəzet Heydərovların dosyesindən qısa çıxarış dərc edib, bu baxımdan dosyenin kim tərəfindən hazırlanıb göndərildiyini müəyyən etmək mümkün olmayıb. Lakin belə görünür ki, ABŞ diplomatının hazırladığı dosyedə Azərbaycanın digər oliqarxları barədə də məlumatlar əksini tapır. “WikiLeaks” bundan əvvəl Qazaxıstanın hakim siyasi elitasının həyat tərzi və sərvətləri barədə amerikalı diplomatlar tərəfindən göndərilən dosyeni, habelə Rusiya siyasi elitasının nə dərəcədə korrupsiyalaşdığı barədə hesabatı yaymışdı. Siyasət şöbəsi 9534 dəfə baxılıb

BÖYÜK SİRR

“WikiLeaks” in hədəfi niyə Azərbaycan və onun prezidentidir? Kompromatların ötürülməsi vahid mərkəzdən idarə edilir, dünyanı qarışdıran saytı bağlamaq mümkün olmur

ABŞ-ın məxfi diplomatik yazışmalarını açıqlamağa başlayaraq dünyada görünməmiş siyasi fırtınaya səbəb olan “Wikileaks.org” saytı dünən səhərdən bağlanıb. Sayt təmsilçiləri “Twitter”dəki mikrobloqları vasitəsilə elan ediblər ki, “Wikileaks.org” domeni Amerikanın “EveryDNS.net” serveri tərəfindən “öldürülüb”. Həmin server sayta DNS xidməti göstərirdi. “Wikileaks” bəyan edib ki, domenin bağlanmasına güclü xaker hücumu səbəb olub. Amerikanın “Amazon” şirkəti də elan edib ki, “Wikileaks” saytına hostinq xidməti göstərməyi dayandırır.

Lakin şirkət rəsmiləri bu qərarın ABŞ administrasiyasının təzyiqləri və ya xaker hücumu ilə bağlı olduğunu inkar edib. Bildirilib ki, sayta həqiqətən güclü hücum edilib, lakin hər dəfə bu hücumların qarşısı uğurla alınıb. “Amazon” bəyan edir ki, “Wikileaks” onlarla bağladığı müqavilə şərtlərini pozduğu üçün hostinq xidməti dayandırılır. Belə ki, saytın ələ keçirdiyi məxfi sənədlər üzərində heç bir müəlliflik hüququ yoxdur, digər tərəfdən heç bir təminat yoxdur ki, bu sənədlər günahsız insanların həyatını təhlükədə qoymamaq üçün diqqətlə redaktə edilib. Az sonra “Wikileaks” elan edib ki, domen adını dəyişdirir və İsveçrə serverinə keçir. Bundan sonra sayta “Wikileaks.ch” ünvanından daxil olmaq mümkün olacaq. Beləliklə, sayt cəmi 1 saatdan sonra fəaliyyətinin bərpa edib.

Culian Assanc: “Bu, hələ heç nədir”

Xatırladaq ki, “Wikileaks” ABŞ-a aid məxfi sənədləri təkcə öz internet ünvanından deyil, beş aparıcı qəzet üzərindən də yayır. Belə ki, yüz minlərlə sənəd əvvəlcədən “The New York Times” (ABŞ), “Le Monde” (Fransa), “El Pais” (İspaniya), “Spiegel” (Almaniya) və “The Guardian” (Böyük Britaniya) qəzetlərinə ötürülüb. Bu qəzetlər saytla razılaşdırılmış şəkildə onları öz internet ünvanlarından yayır. Bu baxımdan “Wikileaks.org” saytının bağlanması heç də məxfi sənədlərin yayılmasının dayanacağı mənasını vermir. Saytın qurucusu Culian Assanc “WikiLeaks”in Rusiyadakı tərəfdaşı olan “Russkiy reportyor” jurnalına müsahibəsində deyib ki, indiyədək yayılanlar onların əlində olan sənədlərlə müqayisədə heç nədir. Assanc deyib ki, hələ onlar özləri də sənədlərin məzmununu ətraflı öyrənə bilməyiblər. Çünki həcm olduqca genişdir: “Biz əlimizdə olan arxivə hələ üzdən yüngülcə nəzər yetirmişik. Gündə bir cild oxusaq belə, onların hamısı ilə tanış olmağa azı 7 il vaxt lazımdır”. Assanc deyib ki, yayılan sənədlərdən ən ciddisini ABŞ dövlət katibi Hillari Klintonun amerikalı diplomatlara BMT-də casusluq fəaliyyəti ilə məşğul olmaq barədə verdiyi tapşırıqdır. Onun fikrincə, bu tapşırığa görə H.Klinton istefaya getməlidir.

ABŞ səfirliyi bəyanat yayıb

Saytın Azərbaycanla bağlı yaydığı son sənədlər barədə xəbər vermişdik. Bu sənədlərdə müdafiə naziri Səfər Əbiyevin 2009-cu ilin əvvəllərində ABŞ səfiri Enn Dersi ilə görüşündə aparılan müzakirələrdən və ABŞ səfirliyinin müvəqqəti işlər vəkili Donald Lunun prezident İlham Əliyevin xarakteristikası, onun daxili və xarici siyasətinin təhlilindən söhbət gedirdi. Bu təhlildə müəllif məşhur “Xaç atası” filminin personajları ilə müqayisələr də aparıb və onlardan sitatlar verib.
Dünən ABŞ-ın Bakıdakı səfirliyi “Wikileaks”lə bağlı bəyanat yayıb. Bəyanat rəsmi Vaşinqtonun bu qalmaqalın əvvəlindən ifadə etdiyi rəsmi mövqedən fərqlənmir. Orada deyilir ki, Birləşmiş Ştatlar məxfi məlumatın qanunsuz və ittihamlı yayımını kəskin formada pisləyir.
Amerika səfirliyinin müvəqqəti işlər vəkili Adam Sterlinqin adından yayılan bəyanatda bildirilir: “Bu həftənin əvvəli dövlət katibi Hillari Klinton qeyd etmişdir: "Bu, insan həyatlarını risk altına qoyur, dövlət təhlükəsizliyimiz üçün təhlükə yaradır və digər ölkələrlə müştərək problemləri həll etmək istiqamətində işləməyə mane olur. Ölkələr arasında ümumi təhlükəsizliyimizin asılı olduğu sülh münasibətlərinə xələl gətirmək heç bir cəsarətli addımı nümayiş etdirmir". Biz məxfi olması nəzərdə tutulan hər hansı məlumatın yayılmasına görə dərin təəssüf hiss keçiririk. ABŞ hökuməti tərkibində məxfi məlumatın olması fərz edilən sənədlərlə bağlı şərh verməyəcəyi və ya onların detallarını təsdiq etməyəcəyi halda, biz diplomatik ictimaiyyətin məxfi sənədləri tərtib etmə və yazma təcrübəsindən danışa bilərik. Bu sənədlər hökumətlərin xarici əlaqələri ilə bağlı müzakirələrinə əsaslanan gündəlik daxili təhlil və səmimi qiymətləndirmələri əks etdirir. Bu sənədlər əksər hallarda xarici siyasətin ilkin və tamamlanmamış ifadələrini özündə cəmləşdirir və onların özü-özlüyündə heç bir mövqeyi yoxdur, yaxud da onlar ABŞ siyasətini əks etdirmir".

Azərbaycana dair daha bir məlumat Vyanadan

Dünən “The Guardian” qəzeti tərəfindən yayılan məxfi sənədlərdən birində Azərbaycanla bağlı yeni məlumatlar da üzə çıxıb. Bu sənəd ABŞ-ın Beynəlxalq Atom Enerjisi Agentliyinin (İAEA) Vyanadakı Daimi Şurasındakı səfiri Glayn Devis tərəfindən Vaşinqtona göndərilib. Orada Daimi Şurada İranın Qum şəhəri yaxınlığında gizli inşa edilən, ötən il üzə çıxan yeni nüvə mərkəzinə dair müzakirələrdən söhbət gedir. Məlum olub ki, Qərb ölkələrinin bu təşkilatdakı səfirləri yeni obyektin üzə çıxmasını İranın BMT sanksiyalarını birbaşa pozması kimi qiymətləndiriblər, İAEA-dan bu ölkəyə qarşı kəskin addımlar atması barədə müzakirələr gedib. Lakin Azərbaycan nümayəndəsi müzakirələrdə İranın maraqlarını müdafiə edərək yeni nüvə mərkəzinin aşkarlanmasının təhlükəli olduğu barədə mövqeləri bölüşməyib. “Azərbaycan Qum yaxınlığında yeni obyektin aşkarlanması ilə bağlı deyib ki, əgər orada araşdırmalar aparılsa, bu obyektin də Natanz nüvə mərkəzi kimi təhlükəli olmadığı müəyyən olunacaq. Bununla da Azərbaycan 2006-cı ildə İranın nüvə fəaliyyətlərinə dair etirazlarını geri götürüb, konstruktiv yanaşma tərəfdarı olub və əsasən, İran xəttinə üstünlük verib” - deyə, sənəddə bildirilir.
Qeyd edək ki, “Wikileaks” saytı hələ İraq və Əfqanıstana dair yüz minlərlə məxfi sənədləri yayanda dünyada bunun əslində ABŞ-ın “öz oyunu olduğu” barədə şübhələr yarandı. Bu cür şübhələr diplomatik yazışmalara dair məxfi sənədlərin ortaya çıxmasından sonra da aktuallığını saxlayıb. Həmçinin bu dəfə belə fərziyyələr var ki, bu sənədlərin yayılmasında ABŞ-ın xarici siyasətini dəyişdirmək istəyən güclərin əli var. Bütün bunlar ancaq fərziyyələr olaraq qalır. Lakin saytın dekabrın 1-dən başlayaraq qopardığı fırtınanın yaratdığı nəticələr, ortaya çıxan məxfi məlumatlar və onların xarakteri, hansı dövlətlər və prezidentlər barədə hansı məzmunlu sənədlərin yayılması müəyyən təhlillər aparmaq üçün ciddi əsaslar verir.
Bu günədək açıqlanan sənədlər sayəsində ortaya çıxan, dünya mətbuatında ən çox müzakirə olunan nəticələr belədir: 1)Səudiyyə Ərəbistanı, İordaniya, Misir kimi ABŞ-ın müttəfiqi olan ərəb ölkələri İranın nüvə fəaliyyətlərinin hərbi yolla dayandırılmasına dəstək verir. Nəinki dəstək verir, üstəlik ABŞ-a da təzyiq edirlər ki, İranı mümkün qədər tez vursun; 2) Türkiyə İranın beynəlxalq sanksiyaların təsirindən yayınmasında mühüm rola malikdir; 3) Prezident Obama Rusiya ilə ABŞ arasında münasibətləri yenidən başladaraq Moskvaya dair yumşaq siyasət yeridir, ancaq bu ölkədə korrupsiyalaşmış, kriminal qruplaşmalarla əlbir olan, fürsət düşdükcə ABŞ-ın maraqlarına zərbə vuran rejim hakimiyyətdədir; 4) Azərbaycan rəsmən ABŞ-ın İran planlarında yer almır, ancaq məxfi söhbətlərdə Vaşinqtonu Tehrana qarşı siyasəti sərtləşdirməyə çağırır, eyni zamanda İranın mümkün cavab zərbələrindən narahatdır.

7-i sənədin 5-i İranla birbaşa bağlıdır

“Wikileaks” saytı dünənə qədər Azərbaycanla bağlı 7 sənəd açıqlayıb ki, onlardan 5-i birbaşa İranla bağlıdır. Sənədlərdən birində Azərbaycan hakimiyyətinin ABŞ-ın İrana dair qətiyyətsiz siyasətindən narazı olduğu, Tehranın Bakı üçün yaratdığı təhdidlərdən söhbət gedir. Digər sənəddə İranın İnqilab Keşikçiləri Korpusunun agentlərinin Bakıdakı fəaliyyətindən, Azərbaycan üzərindən çirkli pulların yuyulmasından, bu işdə bir sıra yerli məmurların da rol almasından bəhs edilir. O biri sənəddə Bakıda əslən iranlı olan, ABŞ-a işləyən agentlərin ötürdüyü məlumatlardan bəhs edilir. Sənədlərdən birində də Böyük Britaniyada qeydiyyatdan keçmiş şirkətin Azərbaycan üzərindən İrana nüvə materialları ötürməsinə dair şübhələr yer alır. Növbəti sənəddə isə Azərbaycan prezidenti ABŞ dövlət katibinin müavini ilə İrandakı vəziyyəti müzakirə edir. Təkcə bu məlumatlar Azərbaycan hakimiyyətini regionun bir neçə ölkəsi-Rusiya, İran və Türkiyə qarşısında əlverişsiz vəziyyətə düşməsinə səbəb olub. Rəsmi Bakı yaranmış vəziyyətdən təkzib yaymaqla çıxmağa çalışır, ancaq bu variant o qədər də effektli deyil. Heç şübhə yoxdur ki, məxfi sənədlərdə yer alan məqamlar rəsmi səviyyədə münasibətlərdə təzahür etməsə də, Azərbaycanın sözügedən ölkələrlə münasibətlərində iz buraxacaq. Elə yayılan sonuncu iki sənəd də Azərbaycan hakimiyyətinin və onun rəhbərliyinin hədəfdə olduğunu göstərir.

Sərkisyandan niyə kompromat yoxdur?

Müqayisə üçün qeyd edək ki, hələlik Sərkisyan və Saakaşvili ilə bağlı rezonansa səbəb olan sənədlər üzə çıxmayıb. Bəlkə Ermənistan prezidenti Serj Sərkisyan və ya Gürcüstan prezidenti Mixail Saakaşvili barədə belə sənədlər yoxdur? Əlbəttə var və 3 milyona yaxın məxfi sənəd arasında belə yazışmaların olmaması sadəcə mümkün deyil. Xüsusən ona görə ki, ABŞ-ın İrəvandakı diplomatları xirtdəyəcən zibilin içində olan, beynəlxalq səviyyədə kriminal qruplaşmalarla əlbir işləyən Sərkisyan barədə qalmaqallı kompromatlardan ibarət məxfi hesabatlar yazmaqda çətinlik çəkməzdilər. Ermənistanla bağlı üzə çıxan sənədlərdə diqqəti cəlb edən ancaq budur: İrəvan Tehrana gizlicə silah satıb və buna görə ABŞ Sərkisyana bərk qəzəblənib (Yenə də İran məsələsi!). Belə təəssürat formalaşır ki, “Wikileaks”in ələ keçirdiyi sənədləri yayanlar heç də hansısa fanatiklər və ya anarxistlər deyil, dünya siyasətindən baş çıxaran, kimin pərdəarxasında hansı oyunlar apardığını mükəmməl bilən gözəgörünməz qüvvədir. Bu qüvvə sanki ABŞ-ın İranla bağlı planlarını əngəlləyənlərdən, Ermənistan-Türkiyə yaxınlaşmasını pozanlardan qisas alır, İranın hər tərəfdən düşmənlərlə əhatə olunduğunu Tehranın diqqətinə çatdırır, ABŞ-ın dünyada tək güc olmaq üçün Rusiya ilə yenidən “soyuq müharibə”yə girməsinə nail olmaq istəyir və digər bu kimi uzaqgedən məqsədləri qarşıya qoyub.

“Milliyət” qəzeti: “Sənədlər Ağ Evin süzgəcindən keçib yayımlanır”

Sənədlərin təsadüfi qaydada seçilib yayımlanmadığına dair şübhələri gücləndirən xəbərlərdən birinə görə, “New York Times” əlindəki sənədlərdən hansını yayıb-yaymamaq barədə ABŞ hökuməti ilə məsləhətləşir. Ağ Ev məsləhət bilmədiyi sənədlərin yayımlanmasını istəmir, bəzi sənədlərdən isə müəyyən fikirlər, adlar çıxarılır, həmin hissə xxxxx-lərlə işarələnir (Donald Lunun Əliyev barədə təhlilində də bir neçə yerdə xxxx-lərə rast gəlinir). Daha sonra qəzet Ağ Evin çıxarılmasını istədiyi hissələri “Wikileaks”ə göndərir. Saytın qəzetdən gələn tövsiyələrə nə qədər əməl etdiyi məlum deyil. Lakin “Milliyət” qəzeti yazır ki, sənədlərin Ağ Evin süzgəcindən keçdiyi bəllidir. Digər maraqlı məqam: yayılan sənədlər arasında “Tam məxfi” qrifi altında bir dənə də sənəd yoxdur. ABŞ kəşfiyyatının hansı ölkədə hansı gizli əməliyyatları həyata keçirdiyi barədə də heç bir sənəd yayılmır. İsrailə qarşı da sənəd yoxdur. Hələ sənədlər yayımlanmazdan əvvəl İsrail baş naziri Benyamin Netanyahu elan etmişdi ki, onlar narahat deyillər və arxayındırlar. Bütün bunlar “Wikileaks” qalmaqalının arxasında hansısa xakerin və ya dünyada ədaləti bərpa etməyi qarşıya məqsəd qoyan jurnalist - fanatın deyil, daha güclü qüvvələrin dayandığını, hədəfdə konkret şəxslərin və ölkələrin olduğunu ehtimal etməyə güclü əsaslar verir.

Siyasət şöbəsi

2816 dəfə baxılıb