FAZİL MƏMMƏDOVA ŞOK ZƏRBƏ!!!

FAZİL MƏMMƏDOVA ŞOK ZƏRBƏ!!!
4.2.2011

OBYEKTLƏRDƏN YIĞILAN İLLİK QEYRİ-QANUNİ VERGİ RÜSUMU LƏĞV EDİLDİ

PİA.AZ-a verilən məlumatlara görə, Vergilər Naziri Fazil Məmmədov çox çətin sınaq qarşısında qalıb. Bildirilir ki, bu günlərdə birbaşa olaraq dövlət başçısının göstərişinə əsasən, Vergilər Nazirliyində total yoxlamalar həyata keçirilib.

«Nazirlik xüsusi xidmət orqanlarının nüfuzlu və peşəkar əməkdaşları tərəfindən yoxlanılır. Artıq çox ciddi faktlar var Ki, bütün məlumatlar da birbaşa olaraq prezidentin diqqətinə çatdırılıb» deyən mənbə iddia edir ki, bu zamana qədər Vergilər Nazirliyi tərəfindən ayrı-ayrı obyektlərə tətbiq olunan qeyri-rəsmi rüsum faktı aşkarlanıb: «Obyektlərin iriliyindən-xıpdalığından asılı olaraq 5-10 min manat və 100-500 min manat arasında dəyişən rüsumlarla bağlı faktın aşkarlanması Fazil Məmmədova əlavə problemlər yaradıb».

Bildirilir ki, hər il obyektlərdən yuxarıda qeyd olunan məbləğlərdə vəs ait illik rüsum kimi yığılırmış və bu ildən etibarən həmin qeyri-rəsmi rüsum ləğv edilib: «Təbii ki, belə bir qərarın verilməsi Fazil Məmmədovun bitirilməsi anlamına gəlir».

Onu da qeyd edək ki, bu günlərdə bir sıra mətbuat orqanları Fazil Məmmədovun da mövqelərinin laxlaması xəbərini yaymışdılar. Son hadisə isə bu strukturda rəhbər dəyişikliyinin qaçılmaz olduğunu sübutlamaqdadır.

Lakin bir sıra ekspertlər VN tərəfindən obyektlərdən yığılan qeyri-rəsmi illik rüsumun ləğvini hakimiyyətin «ANTİİNQİLABİ TƏDBİRLƏRİ»ndən biri kimi dəyərləndirirlər…