Yarıb ürəyimə salardım səni.  

Niyə gənc yaşımda səni görmədim,

Sevdirib özümü alardım səni.

Heç bir kəs ay gözəl görməsin deyə,

Yarıb ürəyimə salardım səni.

Nə qədər diriyəm su var canımda,

Cismim burdadırsa ruhum yanında.

Desələr ilansan mələk donunda,

Yenə də boynuma dolardım səni.

Heç dərdim olmazdıdərdə salsanda,

Harda yaşasanda, harda qalsanda.

Nə qədər əlçatmaz uzaq olsan da

Arayıb, axtarıb  tapardım səni.

**************************

Niyə dəyişdin.

Kasıb idik danışardıq gülərdik

Dərdimizi sərimizi bilərdik

Nə olsaydı qardaşyana bölərdik

Nə oldu ki, birdən – birə dəyişdin?

Bu qədərmi pula başın qarışdı

Sən bilmədin gələn dostur, tanışdır

Tanımadın? , aramız bir qarışdı

Nə oldu ki, birdən – birə dəyişdin?

Güvəndiyim dağlaqa qar yağdımı?

Gördüm indi talehimi bəxtimi

Soruşmadın usta ölüb, saxdımı?

Nə oldu ki, birdən – birə dəyişdin?

************************

 Başa bəla..

Dilim – dilim olasan,

yaman günə qalasan

Qoymadın ki, dinc olam

Başıma sən bəlasan

Ora – bura çəkdilər

Başımda turp əkdilər

Dil sənin ucbatından

Mənə torba tikdilər

Nəyim varsa aldılar

Məni qaz tək yoldular

Yersiz danışdım, Məni

Yaman günıə saldılar.

*****************

Nəvəm mənim.

Nəvəm məktəbə gedir

Kişidir beş yaşında

Hələ əlindən tutub

Aparır yoldaşım da

Nənəsi çantasına

Qoyub şəkər çörəyin

Dostlarılə bölüşür

O yediyi yeməyin

Nəvəm məktəbə gedir

Əlində var çantası

Onun ilə fəxr edir

Nənəsilə babası

*******************

Yıxdı evimizi dollar

Qənd , pəsok bahalaşdı,

Hər şey həddini aşdı

Yazıq kasıb dolaçdı,

Hara getdi o mallar

Yıxdı evimizi dollar

Gələ bilmirəm sizə,

Hünərin var gəl bizə

Palçıq çıxıbdır dizə

Xarabala qalıb yollar

Yıxdı evimizi dollar.

Aşağı saıb başın

Yükləyib maşın – maşın

Satır torpağın daşın

Xaricə axır pullar

Yıxdı evimizi dollar.

Məmurların qarnı tox

Kasıbın heç nəyi yox

Boşananın sayı çox

Çoxalır bizdə dullar

Yıxdı evimizi dollar.

******************